پاکستانی شوبز کی سب سے زیادہ شرارتی جوڑی حرا اور مانی آئے روز اپنی پرلطف سرگرمیوں سے مداحوں کو محظوظ کرتے رہتے ہیں.

گذشتہ روز اداکارہ حرا مانی نے انسٹاگرام پر اپنے شوہر کے ساتھ چند تصاویر یں شیئر کی جس میں مانی اپنے اہلیہ کے زانوں پر سر رکھے لیٹے ہیں۔

 دوسری تصویر میں دیکھا جاسکتا ہے کہ مانی سوگئے ہیں اور حرا ان کے موبائل فون کا معائنہ کر رہی ہیں۔

تصاویر کے ساتھ انہوں نے کیپشن میں لکھا کہ مانی کے سونے کے بعد اس کا فون چیک کرنے کا سین آن ہے۔

اس سے قبل حرا نے اپنی سالگرہ کے موقع پر شوہر مانی کی جانب سے چہرے پر  کیک لگائے جانے پر مزاحیہ انداز میں بدلا لینے کا اعلان کیا تھا۔

واضح رہے کہ کورونا وائرس سے متاثر ہونے کے بعد حرا اور مانی ایک بار پھر ڈرامہ انڈسٹری کی تقریبات میں شامل ہونے لگے ہیں۔

حرا نے گلوکاری کے میدان میں بھی قدم رکھا ہے، جہاں مداحوں نے ان کی گلوکاری کو بے حد سراہا ہے۔

حرا اب اداکاری اور میزبانی کے ساتھ ساتھ باقاعدہ گلوکاری بھی کررہی ہیں۔

پاکستان کی خوبرو اداکارہ حرا مانی نے ’کشمیر بیٹس سیزن 2‘ میں میرے دیوانوں مستانوں گانا گایا ہے،  جس نے سوشل میڈیا صارفین کے دل جیت لیے، اس گانے کی ویڈیو بھی سوشل میڈیا پر خوب وائرل ہوئی۔