شیخ رشید نے کہا ہے کہ قومی سلامتی کمیٹی کا اجلاس ڈھائی بجے ہو گا۔

وزیر داخلہ شیخ رشید نے پریس کانفرنس کرتے ہوئے کہا ہے کہ قومی سلامتی کمیٹی کا اجلاس ڈھائی بجے ہو گا، امید ہے وزیراعظم آج قوم سے خطاب کریں گے۔

انہوں نے کہا کہ وزیراعظم شام کوکسی بھی وقت خطاب کرسکتے ہیں، دو دن بہت اہم ہیں، عمران خان آخری گیند تک لڑیں گے۔

دوسری جانب وفاقی وزیر اطلاعات فواد چوہدری نے ٹوئٹر پر جاری ایک پیغام میں کہا ہے کہ وزیراعظم عمران خان آج رات قوم سے خطاب کریں گے۔

گزشتہ روز وزیر داخلہ شیخ رشید نے کہا تھا کہ وزیراعظم عمران خان قوم سے خطاب کریں گے۔

وزیر اعظم کا خطاب نشر کرنے کیلئے سرکاری ٹی وی کی ٹیم وزیراعظم ہاؤس پہنچ گئی تھی اور سرکاری ٹی وی کی ٹیم نے وزیراعظم کا خطاب براہ راست دکھانا تھا۔

بعدازاں سینیٹر فیصل جاوید نے کہا تھا کہ چند وجوہات کی وجہ سے وزیراعظم نے یہ خطاب موخر کردیا ہے۔