سوشل میڈیا صارفین نے نیمل خاور خان کی جانب سے شئیر کی گئی ویڈیو دیکھ کر کہا ہے کہ وہ کسی ناول کی ہیروئن لگتی ہیں۔

پاکستانی ڈرامہ انڈسٹری کی سابقہ اداکارہ نیمل خاور عباسی کی ویڈیو سوشل میڈیا پر وائرل ہوگئی جس پر ان کے مداح اداکارہ کی خوب تعریف کرتے ہوئے نظر آ رہے ہیں۔

نیمل خاور عباسی نے فوٹو اور ویڈیو شیئرنگ ایپ انسٹاگرام پر خوبصورت ویڈیو شیئر کی جس میں انہیں کمرے سے نکل کر ٹیرس پر جاتے ہوئے دیکھا جاسکتا ہے۔

نیمل کی جانب سے شیئر کی جانے والی ویڈیو میں آسمان اور درختوں کے خوبصورت اور دلکش مناظر نظر آرہے ہیں۔

نیمل نے اس ویڈیو کے کیپشن میں لکھا کہ ’سکون، کھڑکیاں، درخت، آسمان سب آپ سے باتیں کرتے ہیں۔

اداکارہ کی اس ویڈیو کو اب تک ہزاروں صارفین دیکھ چکے ہیں اور ویڈیو میں نظر آنے والے مناظر کی تعریف بھی کر رہے ہیں۔

ساتھ ہی انسٹاگرام کی ایک صارف نے اس ویڈیو کے کمنٹ سیکشن میں اداکارہ کی تعریف کرتے ہوئے لکھا کہ جیسا ہم ہمیشہ ناول میں پڑھتے تھے آج بلکل ویسی ہی ناولز والی ہیروئن دیکھی ہے وہی ناول والا سین سب کچھ دیکھا لیا ہے۔

یاد رہے کہ معروف اداکار حمزہ علی عباسی اور اداکارہ نیمل خاور 2019 کو رشتہ ازدواج میں منسلک ہوئے تھے، ان کے ہاں 30 جولائی 2020 کو بیٹے کی پیدائش ہوئی، جس کا نام مصطفیٰ عباسی ہے۔