ترجمان حکومت بلوچستان فرح عظیم شاہ نے کہا ہے کہ بلوچستان میں پروٹوکول سسٹم ختم کردیا گیا ہے۔

پریس کانفرنس کرتے ہوئے ترجمان حکومت بلوچستان فرح عظیم شاہ نے کہا کہ آج عوام کےسامنے قدوس بزنجو کی تین ماہ  کی کارکردگی رپورٹ پیش کرنے جارہی ہوں۔

فرح عظیم شاہ کا کہنا تھا کہ ہیلتھ کارڈ کیلئے شہری نادر ہ سے رجوع کریں، ہیلتھ کارڈ میں بلوچستان کے ہر خاندان کے ہر فرد کیلئے 60 ہزار روپے رکھے گئے ہیں۔

ترجمان حکومت بلوچستان نے کہا کہ ہیلتھ کارڈ کا اجرء80 فیصد مکمل ہوچکا ہے، ہیلتھ کارڈ کے زریع شہری پاکستان بھر کے ہسپتالوں سے مستفید ہوسکتے ہیں۔

فرح عظیم شاہ نے کہا کہ زراعت میں بہتری کیلئے حکومت ہر ممکن اقدام کررہی ہے، بلوچستان حکومت نے 578 ٹریکٹر 50 فیصد سبسڈی میں فراہم کرنے کا اعلان کیا ہے۔

انہوں نے کہا کہ کوشش ہے کہ ٹیو ب ویلوں کو شمسی توانائی  پر منتقل کیا جائے گا، کرپشن کی روک تھام کیلئے ای ٹریڈنگ سسٹم متعارف کرایا جارہاہے۔

ترجمان حکومت بلوچستان نے کہا کہ  اپوزیشن کو بھی ترقیاتی فنڈز دیئے جارہےہیں،  نشینل ایکشن پلان کے تحت اہم اجلاس ہوا ہے۔

انہوں نے بتایا کہ اجلاس میں ناراض بلوچوں کو مذاکرات کے زریعے قومی دھارے میں شامل کرنے کا فیصلہ کیا گیا ہے۔

انہوں نے مزید کہا کہ تمام ناراض بلوچ رہنماوں کو مذاکرات کی دعوت دیتے ہیں ، بندوق اور طاقت کے زور پر کوئی مسئلہ حل نہیں ہوتا۔