پاکستان کی معروف اداکارہ زہرہ عامر نے تصدیق کی ہے کہ ان کے ہاں جلد جڑواں بچوں کی پیدائش متوقع ہے۔

اس حوالے سے زہرہ عامر نے فوٹو اینڈ ویڈیو شیئرنگ ایپ انسٹاگرام پر اپنے آفیشل اکاؤنٹ سے ایک تصویر پوسٹ کی ہے جس میں دیکھا جا سکتا ہے کہ ان کے شوہر بےحد خوش ہیں اور انہوں نے ہاتھ میں الٹراساؤنڈ رپورٹ پکڑ رکھی ہے جس میں واضح ہے کہ وہ دو بچوں کے باپ بننے والے ہیں۔

اداکارہ نے بتایا کہ وہ اپنی خوشی کو الفاظ میں بیان نہیں کرسکتیں، وہ ان کے ہمسفر جلد جڑواں بچوں کے والدین بننے والے ہیں۔

زہرہ عامر نے لکھا کہ وہ تیس ہفتوں کے حمل سے ہیں اور چند ہفتوں کے بعد ان کے ہاں ایک نہیں بلکہ جڑواں بچوں کی پیدائش متوقع ہے

اداکارہ نے لکھا کہ وہ اپنے ہاں جڑواں بچوں کی متوقع پیدائش سے بہت خوش ہیں اور انہیں ماں بننے کا انتظار ہے۔

زہرہ عامر کی اس پوسٹ پر ان بڑی تعداد میں ان کے مداح اور شوبز سے وابستہ شخصیات نیک تمناؤں کا اظہار کر رہے ہیں۔

واضح رہے کہ زہرہ عامر نے جنوری 2021 میں شادی کی تصدیق کرتے ہوئے بتایا تھا کہ انہوں نے اگست 2020 میں شادی کی تھی۔