شہباز گل نے کہا ہے کہ عمران خان کا ضمیر پیسے کے استعمال کی اجازت نہیں دیتا۔

معاون خصوصی برائے سیاسی ابلاغ ڈاکٹر شہباز گل نے پریس کانفرنس کرتے ہوئے کہا ہے کہ عدالت نے سپریم کورٹ بار کو سیاسی معاملات سے دور رہنے کا کہا، اپوزیشن کی جلسہ ختم کرنے کی سازش ناکام ہوگئی۔

انہوں نے کہا کہ سپریم کورٹ بار نے سیاسی جماعتوں کے ساتھ باتیں کیں، عدالت نے کہا پرامن طریقے سے جلسے ہو سکتے ہیں، سپریم کورٹ بار کا تقدس مجروح ہو رہا ہے۔

شہبازگل نے کہا کہ عدالت نے کہا سیاسی جماعتوں کوآپس میں معاملات حل کرنے چاہئیں، عمران خان مافیاز کے خلاف کھڑے ہیں، ہم عوام کے پاس جا رہے ہیں اب انہیں پتہ لگ جائے گا۔

معاون خصوصی برائے سیاسی ابلاغ نے کہا کہ اپوزیشن کے پاس پیسے، عمران خان کے پاس عوام کی طاقت ہے، عمران خان کا ضمیرپیسے کے استعمال کی اجازت نہیں دیتا۔

انہوں نے کہا کہ ہمیں کہا جاتا تھا عوام کے پاس جائیں لگ پتہ جائے گا، فاروق ایچ نائیک نے پوری کوشش کی جلسے نہ ہوں۔