نارووال میں ٹورزم ڈویلپمنٹ کارپوریشن پنجاب کے زیر اہتمام سائیکل ریلی کا انعقاد ہوا جس میں ماحول کو آلودگی سے پاک کرنے اور صحت کی بحالی سے متعلق آگاہی کے لئے بڑی تعداد میں سائیکل سوار شریک ہوئے۔

تفصیلات کے مطابق ریلی نارووال سے کرتار پور کوریڈور تک جاری رہے گی، اداکار کاشف بھی آشیانہ سائیکلنگ کلب کی ٹیم کے ساتھ شریک ہوئے، انہوں نے کہا کہ ہمارا پیغام ہے کہ سائیکل صرف ورزش نہیں ،مکمل میڈیسن ہے۔

ان کا کہنا تھا کہ  اگر زندگی میں بہتری لانی ہے تو سائیکل چلانی ہو گی، ملک میں صحت کے مسائل حل کرنے ہیں تو سائیکل چلائیں، اس پیغام کو پورے پاکستان میں لے کر جائیں گے۔

انہوں نے کہا کہ پاکستان کا مسئلہ یہ ہے ہم ہر چیز میں پٹرول کو جلا رہے ہیں، روزمرہ امور کی بنیادی اشیا کے علاوہ دودھ، دہی بھی سائیکل پر لانا ہونگی، اچھی صحت سے ہمارے ہسپتال ویران ہونگے۔

سائیکل ریلی میں 200 سے زائد سائیکلسٹ نے شرکت کی ، سائیکلنگ ٹیم گردوارہ کرتارپور کا وزٹ کرے گی، سائیکلنگ ٹیم کے لئے گردوارہ کرتار پور میں لنگر کا بھی اہتمام کیا گیا ۔