عامرخان نے کہا ہے کہ زونل آفس کھلنے کاعلم نہیں، کھل گیا تواچھی بات ہے۔

ایم کیو ایم پاکستان کے رہنما عامرخان نے پریس کانفرنس کرتے ہوئے کہا ہے کہ وزیراعظم سےعدم اعتماد پرکوئی بات نہیں ہوئی۔

انہوں نے کہا کہ وزیراعظم سے ملاقات کی ساری باتیں میڈیا کونہیں بتا سکتے، وزیراعظم سے کوئی گلے شکوے نہیں کیے، اپوزیشن جماعتیں ناکام ہوں گی۔

عامرخان نے کہا کہ وزیراعظم سے خوشگوارماحول میں بات ہوئی،کوئی مطالبات نہیں رکھے، حکومت کے اتحادی ہیں، تمام آپشنزکھلے ہیں، تحریک عدم اعتماد کی پیشی کے بعد اپوزیشن سے کوئی رابطہ نہیں ہوا۔

ایم کیو ایم پاکستان کے رہنما نے کہا کہ لانگ مارچ کاعلم نہیں،یہ معلوم ہے مارچ کا مہینہ چل رہا ہے، زونل آفس کھلنے کاعلم نہیں، کھل گیا تواچھی بات ہے، مردم شماری ودیگرمسائل پرمزید کام کرنے کی ضرورت ہے۔

انہوں نے کہا کہ وزیراعظم کا ساڑھے3سال بعد مرکز کا دورہ کرنا اچھی بات ہے۔