فیصل آباد میں ٹرک کی رکشا کو ٹکر لگنے سے  5 خواتین اور بچہ شدید زخمی ہوگیا ہے۔

تفصیلات کے مطابق یہ افسوسناک واقعہ فیصل آباد میں جھنگ روڈ پر پیش آیا، جہاں مزدا ٹرک کی موٹر سائیکل رکشا کو ٹکر لگنے سے 5 خواتین سمیت ایک بچہ شدید زخمی ہوگیا ہے۔

ریسکیو حکام کا کہنا ہے کہ چاروں  زخمی تشویشناک حالت میں ہیں، طبی امداد کے لیے اسپتال منتقل کردیا گیا ہے۔

ریسکیو حکام نے بتایا کہ حادثہ تیز رفتاری کے باعث پیش آیا مزدہ ٹرک نے موٹر سائیکل کو پیچھے سے ہٹ کیا تھا۔

واضح رہے کہ دنیا بھرمیں ٹریفک حادثے انسانی جانوں کے لیے ایک بڑے خطرے کے طور پر سامنے آ رہے ہیں، عالمی ادارہ صحت کے مطابق ہر سال لاکھوں افراد ٹریفک حادثات کی وجہ سے اپنی جانوں سے ہاتھ دھو بیٹھتے ہیں۔

ایک عالمی تحقیقاتی ادارے کے مطابق پاکستان میں ہلاکتوں کا باعث بننے والے پچاس عوامل اوربیماریوں میں ٹریفک حادثات پندرہویں نمبر پر ہیں۔

پاکستان میں ایڈز، ناقص خوراک، مرگی، تشدد کئی قسم کے سرطان اور خود کشیوں کی وجہ سے انفرادی طور پر ہونے والی اموات سے ٹریفک حادثات میں مرنے والے لوگوں کی تعداد زیادہ ہے۔

اس رپورٹ کے مطابق سب سے زیادہ ٹریفک حادثات موٹر سائیکل سواروں آٹو رکشا والوں اور موٹر کاروں اور وینز چلانے والوں کو پیش آئے اس کے بعد بسوں اور ٹرکوں کے حادثات رپورٹ ہوئے ہیں۔