عروف بھارتی اداکارہ سونم کپور کے سسر کے ساتھ 27 کروڑ کا فراڈ ہو گیا۔

بھارتی میڈیا رپورٹ کے مطابق بالی ووڈ اداکارہ سونم کپو کے سسر کے ساتھ سائبر کرائم میں 27 کروڑ روپے سے زائد کا فراڈ ہوگیا ہے۔

بھارتی میڈیا رپورٹس میں بتایا گیا ہے کہ سونم کپور کے سسر کے ساتھ انتہائی عیار قسم کے سائبر کرائمنلز نے 27 کروڑ روپے سے زائد کا فراڈ کر کے انہیں ٹھگ لیا تاہم فرید آباد پولیس نےکرمنلز کے گروہ کو گرفتار کرلیا ہے۔

رپورٹ کے مطابق پولیس نے 9 ملزمان کو دہلی، ممبئی، چنئی اور کرناٹک سے گرفتار کیا ہے۔

اس حوالے سے پولیس نے انکشاف کیا کہ فرید آباد سے تعلق رکھنے والی فرم نے سونم کپور کے سسر کے ساتھ فراڈ کیا، جس کا مقصد اپنی فرم کے لیے مرکزی اور صوبائی حکومت سے ٹیکس چھوٹ کا حصول اور لیویز لائسنسوں کی چھوٹ کا غلط استعمال تھا۔

پولیس نے بتایا کہ فراڈ میں ملوث ملزمان نے مسٹر آہوجا کے دستخط کے جعلی سرٹیفکیٹ بھی بنوا رکھے تھے، پولیس کے مطابق مسٹر آہوجا کی فرم نے گزشتہ سال جولائی میں شکایت درج کروائی تھی، جس کے بعد کیس پر خاموشی سے کام کیا گیا اور اب ملزمان کو پکڑ کر ان پر قانونی کارروائی شروع کر دی گئی ہے۔