وزیراعلیٰ بلوچستان میر عبدالقدوس بزنجو کا کہنا ہے کہ ملک کو دہشتگردی سے پاک کرنے کے لئے پوری قوم متحد ہے۔

تفصیلات کے مطابق وزیراعلیٰ بلوچستان میر عبدالقدوس بزنجو نے پشاور قصہ خوانی بازار دھماکے کی مذمت کرتے ہوئے دھماکے میں انسانی جانوں کے ضیاع پر دلی رنج ہوا  ہے۔

وزیراعلی بلوچستان کا کہنا ہے کہ دکھ کی اس گھڑی میں غمزدہ خاندانوں کے ساتھ ہیں جبکہ ملک کو دہشتگردی سے پاک کرنے کے لئے پوری قوم متحد ہے۔

انہوں نے مزید کہا کہ عوام اور سیکیورٹی فورسز نے پاکستان میں امن کے لئے جو قربانیاں دیں وہ ناقابل فراموش ہیں۔

واضح رہے کہ پشاور کے علاقے کوچہ رسالدار میں مسجد میں دھماکا ہوا جس میں 30 افراد شہید جبکہ 50سے زائد زخمی ہو گئے ہیں۔

ذرائع کے مطابق پشاور کے علاقے کوچہ رسالدار میں دھماکا مسجد کے اندر نماز شروع ہونے سے کچھ دیر قبل ہوا جس کے باعث متعدد افراد زخمی ہو گئے ہیں، دھماکےکے وقت مسجد میں نمازیوں کی بڑی تعداد موجود تھی۔

ذرائع کا کہنا ہے کہ پولیس کی بھاری نفری موقع پر پہنچ گئی ہے جبکہ علاقے کو گھیرے میں لے لیاگیاہے۔

اس کے علاوہ ریسکیوکی ٹیموں نے امدادی کارروائی شروع کردی ہیں، ریسکیو1122 کی 15 ایمبولینسز موقع پر پہنچ گئیں۔

ریسکیو ذرائع کا کہنا ہے کہ 40کے قریب زخمیوں کو طبی امداد فراہم کرتے ہوئے اسپتال منتقل کررہے ہیں۔