سابق آسٹریلوی آل راؤنڈر شین واٹسن نے کہا ہے کہ پاکستان میں کھیلنا ان کے کیریئر کا سب سے حیرت انگیز تجربہ تھا۔

تفصیلات کےمطابق  40 سالہ شین واٹسن پاکستان سپر لیگ میں اسلام آباد یونائیٹڈ اور کوئٹہ گلیڈی ایٹرز کے لیے کھیل چکے ہیں۔

آسٹریلیا کا ٹیسٹ اسکواڈ اس وقت 3 ٹیسٹ سیریز کے لیے پاکستان میں ہے، 1998 کے بعد یہ آسٹریلیا کا پاکستان کا پہلا دورہ ہے۔

تین ٹیسٹ کے بعد، آسٹریلیا کا مقابلہ پاکستان سے تین ون ڈے اور ایک ٹی ٹوئنٹی میں ہوگا۔

آئی سی سی کو انٹرویو دیتے ہوئے واٹسن نے سیکورٹی پروٹوکول اور تمام کھلاڑیوں کی حفاظت کو یقینی بنانے پر کرکٹ آسٹریلیا کی تعریف کی۔

واٹسن نے کرکٹ کے لیے پاکستانی کراؤڈ کے جذبے کو تسلیم کیا اور کہا کہ قوم ان کے ملک میں کرکٹ کے لیے پرجوش  ہے۔

واٹسن نے یہ کہتے ہوئے اپنی بات ختم کی کہ سیریز  زبردست ہونے جا رہی ہے کیونکہ بہت سے اعلی درجے کے کھلاڑی ایکشن میں ہوں گے۔

واضح رہے کہ پاکستان اس سے قبل گزشتہ دو سالوں میں جنوبی افریقہ، سری لنکا، ویسٹ انڈیز اور بنگلہ دیش کی میزبانی کر چکا ہے اور وہ 2025 میں آئی سی سی چیمپئنز ٹرافی کی میزبانی کرنے والا ہے۔