انگلش ٹیم کے بیٹسمین جیسن رائے نے انڈین پریمئیر لیگ سیزن 15 میں شرکت کرنے سے معذوری ظاہر کر دی ہے۔

انگلش بیٹر 31 سالہ جیسن رائے نے سماجی رابطے کی ویب سائٹ ٹوئٹر پر اپنا ایک پیغام شئیر کیا ہے جس میں انہوں نے آئی پی ایل میں عدم شرکت کا کہا ہے۔

جیسن رائے آئی پی ایل سیزن 15 میں پہلی بار شرکت کرنے والی فرنچائز گجرات ٹائٹینز کا حصہ ہیں۔

برطانوی میڈیا کو انٹرویو دیتے ہوئے جیسن رائے نے کہا کہ گزشتہ دو سال سے میں کووڈ پابندیوں اور متعدد بائیو سیکیور ببلز کا حصہ رہا ہوں اب تھک گیا ہوں۔

Advertisement

IPL 2022. pic.twitter.com/fZ0LofBgSE

— Jason Roy (@JasonRoy20) March 1, 2022

جیسن رائے نے کہا کہ ان دو سالوں میں اپنی فیملی کو وقت نہیں دے پایا، میں اب کچھ وقت اپنی فیملی کو دینا چاہتا ہوں۔

جیسن رائے نے مزید کہا کہ میں نے یہ محسوس کیا ہے کہ اپنی بیوی اور بیٹے کے ساتھ رہنے کا یہی صحیح وقت ہے۔ انہوں نے اپنے ٹوئٹ میں گجرات ٹائٹینز کے مداحوں سے بھی معذرت کی۔

آئی پی ایل میں ان کی عدم شرکت پر ابھی تک ان کی فرنچائز کا بیان سامنے نہیں آیا ہے۔

واضح رہے کہ جیسن رائے کو گجرات ٹائٹینز نے جیسن رائے کو دو لاکھ 66 ہزار ڈالرز میں اپنی ٹیم کے لئے خریدا ہے۔