این بے اے باسکٹ بال لیگ کے ایک میچ میں بروکلین نیٹس کے کھلاڑی کیری ارونگ کو نازیبا اشارے کرنے پر 50 ہزار امریکی ڈالرز کا جرمانہ عائد کر دیا گیا۔

یہ واقعہ بروکلین اور ہوسٹن کے کے میچ کے درمیان پیش آیا جس میں بروکلین کو صرف ایک پوائنٹ کی وجہ سے شکست کا سامنا کرنا پڑا تھا۔

ہوسٹن اور بروکلین کے مابین ہونے والے اس میچ کا اسکور 115-114 تھا۔

بروکلین کے کھلاڑی کیری ارونگ نے میچ کے دوران چھلانگ لگانے سے پہلے اپنی پشت پر موجود تماشائیوں کو دونوں ہاتھوں کی انگلی سے نازیبا اشارے کئے، اس کے بعد بروکلین کے لاکر روم کی طرف جانے کے بعد ایک مداح کو نازیبا الفاظ بھی کہے۔

کیری ارونگ کی اس حرکت کو ایک شائق نے اپنے موبائل پر شوٹ کر لیا اور پھر اسے سوشل میڈیا پر پوسٹ کیا گیا، جو بعد میں کیری ارونگ کے لئے جرمانے کا باعث بنی۔

Kyrie double middle fingers. 💀

(via @_Shawn_gill33)

https://www.bolnews.com/urdu/latest/2022/04/148093/amp/

— Hoop Central (@TheHoopCentral) April 17, 2022

کیری ارونگ کے لئے جرمانہ عام سی بات ہے کیونکہ اس سے قبل بھی ان پر اس سیزن کے آغاز میں کلیو لینڈ میں دوران کھیل ایک مداح کو نازیبا الفاظ کہنے پر 25 ہزار جرمانہ ہو چکا ہے۔

عام طور پر امریکہ کی این بی اے باسکٹ بال لیگ میں کھلاڑیوں پر نامناسب جملوں اور غلط اشاروں پر 15 ہزار ڈالرز کا جرمانہ عائد کیا جاتا ہے لیکن کیری ارونگ پر یہ 50 ہزار ڈالرز کا جرمانہ اپنے سابقہ رویئے میں بہتری نہ لانے پر کیا گیا۔