پاکستان شوبز کی خوبرو اداکارہ نیلم منیر نے انکشاف کیا ہے کہ مداح ان سے اتنی محبت کرتے ہیں کہ ان کے ہاتھ چوم کر آنکھوں پر رکھتے ہیں۔

نیلم منیر نے حال میں جرمن نشریاتی ادارے ’ڈوئچے ویلے‘ (ڈی ڈبلیو اردو) کو دیے گئے انٹرویو میں بتایا کہ وہ عید الفطر پر ریلیز ہونے والی فلم ’چکر‘ میں ڈبل کردار ادا کرتی دکھائی دیں گی۔

اس انٹرویو کے دوران اداکارہ نیلم منیر نے کہا ہے کہ ان کے مداح ہی ان کے لیے ایوارڈز کی اہمیت رکھتے ہیں، کیوں کہ وہ جب ان سے ملتے ہیں تو عقیدت میں ان کے ہاتھ چوم کر آنکھوں پر رکھتے ہیں۔

اداکارہ کے بارے میں یہ مشہور ہے کہ وہ کئی ایوارڈز کے لئے منتخب ہونے کے باوجود بھی ایوارڈ شوز میں شرکت نہیں کرتیں، ایوارڈز میں نامزدگیوں کے باوجود شوز میں شرکت نہ کرنے کے سوال پر نیلم منیر نے کہا کہ دراصل ان کے مداح ہی ان کے لیے ایوارڈ کی اہمیت رکھتے ہیں۔

انہوں نے کہا کہ خواتین ان کی بڑی مداح ہیں اور وہ جب بھی ان کے ساتھ ملتی ہیں تو عقیدت میں ان کے ہاتھ چوم پر آنکھوں پر رکھ دیتی ہیں۔

انٹرویو کے دوران اداکارہ نے انکشاف کیا کہ ان کے خاندان میں لڑکیوں کے معاملے پر اتنی سختی ہے کہ ان کے خاندان کی لڑکیوں کو سوشل میڈیا پر تصاویر لگانے کی اجازت تک نہیں۔

اداکارہ نے بتایا کہ ان کا تعلق پختون خاندان سے ہے اور ان کی بہنیں بھی سوشل میڈیا پر اپنی تصاویر تک شیئر نہیں کرتیں مگر انہیں کسی طرح اجازت مل گئی تھی اور ایسے ہی وہ شوبز میں آگئیں۔

ایک سوال کےجواب میں انہوں نے بتایا کہ انہیں بچپن سے ہی اداکاری کا شوق تھا اور ہیروئن بننا چاہتی تھیں، اب مداح ہی بتا سکتے ہیں کہ وہ ہیروئن بن گئی ہیں یا نہیں؟

اداکارہ کا کہنا تھا کہ وہ ہمیشہ سے ہی منفرد کردار ادا کرنا چاہتی ہیں اور اگر انہیں کردار کے لیے بوڑھی عورت بننا پڑے یا پھر لڑکا بننا پڑے تو بھی وہ گریز نہیں کریں گی۔

یاد رہے کہ نیلم منیر جلد ہی رومانٹک کامیڈی فلم ’چکر‘ میں جلوے بکھیرتی نظر آئیں گی، جس میں ان کے ہمراہ احسن خان، یاسر نواز، شمعون عباسی اور دیگر اداکار ایکشن میں دکھائی دیں گے، فلم عیدالفطر پر ریلیز ہوگی۔