شاہد خاقان عباسی نے کہا ہے کہ ہمارا مقصد قوم کو عمران خان سے نجات دلانا تھا۔

  سابق وزیر اعظم شاہد خاقان عباسی نے میڈیا سے گفتگو کرتے ہوئے کہا ہے کہ چار سال ہوگئے مجھ پر دو کیس چل رہے ہیں، شہباز شریف کو انہوں نے جیل میں رکھا، اسکا جواب دیں۔

انہوں نے کہا کہ جھوٹا کیس جھوٹا ہی ہوتا ہے، 15 ماہ جیل کاٹی ہے، وہ کس لئے تھی؟ جس نے چوری کی وہ ای سی ایل میں ہوگا، ہم بھی چار سال سے بغیر وجہ کے ای سی ایل میں ہیں۔

شاہد خاقان عباسی نے کہا ہے کہ اہم وزارتوں پہ اپوزیشن کے لوگ آئیں گے، انتخابات ہماری مرضی سے ہوں گے، ہمارا مقصد قوم کو اس عمران خان سے نجات دلانا تھا، آنے والی حکومت کی ترجیحات معیشت ہے۔

سابق وزیر اعظم شاہد خاقان عباسی نے کہا کہ ای وی ایم کا نظام پوری دنیا میں ناکام ہے۔