اوگرا نے مئی کے لئے ایل پی جی کی قیمت میں کمی کا اعلان کردیا۔

اوگرا کی جانب سے جاری اعلامیے کے مطابق ایل پی جی کی فی کلو قیمت میں 15 روپے 27 پیسے فی کلو گرام کمی کی گئی ہے۔

ایل پی جی کی ایک کلوگرام کی نئی قیمت 231 روپے 85 پیسے مقرر کی گئی ہے۔

جس کے بعد ایل پی جی کا 11.8 کلو کا گھریلو سلنڈر 180 روپے 28 پیسے سستا ہوگیا۔

گھریلو سلنڈر کی نئی قیمت 2735 روپے 83 پیسے مقرر کی گئی ہے۔

اپریل میں ایل پی جی کا گھریلو سلنڈر 2916 روپے 11 پیسے کا تھا۔

ایل پی جی کی نئی قیمتوں کا اطلاق مئی 2022ء کے لیے ہے۔

دوسری جانب وزارت خزانہ کی جانب سے پیٹرولیم مصنوعات کی قیمتوں سے متعلق نوٹیفکیشن بھی جاری کردیا گیا ہے۔

حکومت نے پیٹرولیم مصنوعات کی قیمتیں برقرار رکھنے کا فیصلہ کیا ہے۔

نوٹیفکیشن کے مطابق آئندہ پندرہ روز کے لیے پیٹرولیم مصنوعات کی قیمتیں پرانی سطح پر برقرار رہیں گی۔

پیٹرول کی قیمت 149 روپے 86 پیسے اور ہائی اسپیڈ ڈیزل کی قیمت 144 روپے 15 پیسے فی لیٹر برقرار رہے گی۔

مٹی کے تیل کی فی لیٹر قیمت 125 روپے 56 پیسے  جبکہ  لائٹ ڈیزل کی قیمت 118 روپے 31 پیسے فی لیٹر برقرار رہے گی۔