مشہور پاکستانی گلوکار فلک شبیر کو بیٹی کی زبان سمجھنے کیلئے ٹرانسلیٹر کی ضرورت پڑ گئی، ویڈیو وائرل۔

گلوکار فلک شبیر اور سارہ خان اپنی بیٹی کی کئی تصاویر اور ویڈیوز شئیر کرتے رہتے ہیں حال ہی میں فلک نے انسٹاگرام پر اپنی بیٹی کی ایک اور نئی ویڈیو شئیر کی ہے جو کہ ان کے مداحوں کی جانب سے خوب پسند کی جا رہی ہے۔

فلک شبیر  کی جانب سے عالیانہ کی نئی ویڈیو میں عالیانہ کچھ ناراض انداز میں بولنا چاہ رہی ہیں۔

فلک شبیر کا اپنی اس پوسٹ کے کیپشن میں لکھنا ہے کہ ’کیا گوگل ان سنہری الفاظ کا ترجمہ کر سکتا ہے؟ شاید عالیانہ کی ماما جانتی ہیں کہ عالیانہ کیا کہنا چاہ رہی ہے، ماشاللّٰہ۔‘

فلک شبیر کی اس ویڈیو پر سارہ خان نے بھی ’ ماشاءاللّٰہ‘ کے کئی کمنٹس کیے ہیں۔

دوسری جانب جہاں مداحوں کو عالیانہ کی اس کیوٹ ویڈیو پر بے تحاشہ پیار آ رہا ہے وہیں کچھ انسٹا گرام صارفین کا کہنا ہے کہ عالیانہ ہو بہو سارہ خان جیسی دکھتی ہے۔