معاون خصوصی اطلاعات خیبرپختونخوا بیرسٹر محمد علی سیف نے کہا ہے کہ ہر شخص کو سیاسی آزادی کا حق حاصل ہے۔

میڈیا سے گفتگو کرتے ہوئے معاون خصوصی اطلاعات خیبرپختونخوا بیرسٹر محمد علی سیف نے کہا کہ ہر کسی کی کوئی نہ کوئی سیاسی وابستگی ہوتی ہے،  سپریم کورٹ بار کے پلیٹ فارم کو کسی سیاسی وابستگی کے لئے استعمال کر رہے ہیں، وکلاء کی مینڈیٹ کی توہین ہے۔

بیرسٹر محمد علی سیف نے کہا کہ وکلاء نے جو مینڈیٹ احسن بھون کو دیا ہے وہ اس کے نفی کرتے ہیں کیونکہ  ہر شخص کو سیاسی آزادی کا حق حاصل ہے۔

انہوں نے کہا کہ سپریم کورٹ بار ایسوسی ایشن کے صدر احسن بھون بار کے پلیٹ فارم کو اپنے نظریے کے لئے استعمال کرنا مناسب نہیں۔

انہوں نے مزید کہا کہ  اگر اتنا شوق ہے تو سپریم کورٹ میں جاری مقدمے میں ذاتی حیثیت میں فریق بن جاتے۔