خیبرپختونخوا فوڈ سیفٹی اتھارٹی کا پشاور کے مختلف علاقوں میں کریک ڈاؤن کے دوران ہزاروں لیٹر جعلی و زائد المعیاد مشروبات برآمد کر لی ہیں۔

تفصیلات کے مطابق فوڈ سیفٹی اتھارٹی نے جی ٹی روڈ پر گاڑی سے 1000لیٹر سے زائد جعلی روح افزاء مشروب برآمد کی۔

فوڈ سیفٹی اتھارٹی کا کہنا ہے کہ جعلی مشروبات کو پشاور سے نوشہرہ سپلائی کیا جارہا تھا، رنگے ہاتھوں دھر لئے گئے۔

فوڈ سیفٹی اتھارٹی کے مطابق چارسدہ روڈ پر گودام پر چھاپا مارا کر 1500 لیٹر سے زیادہ زائد المعیاد و مضر صحت جوس برآمد کی جبکہ گودام سے بھی بھاری مقدار میں زائد المعیاد ملک پیک برآمد کیے گئے۔

فوڈ سیفٹی اتھارٹی نے مزید کہا کہ کارروائی میں گودام کو سیل کردیا گیا، مالکان کو مزید کارروائی کے لئے دفتر طلب کرلئے گئے؟ زائد المعیاد و جعلی مشروبات کا کاروبار کرنے والے عناصر کے خلاف سخت قانونی کارروائی کی جائیگی۔

واضح رہے کہ کچھ روز قبل ہی خیبرپختونخوا فوڈ سیفٹی اتھارٹی کی جانب سے جعلی گڑ تیار کرنے والے یونٹ کے خلاف کی گئی کارروائی کے نتیجے  میں 1400 کلو چینی، خراب گڑ اور مضر رنگ  ضبط کرلیا گیا تھا۔

ڈی جی فوڈ سیفٹی اتھارٹی شاہ رخ علی خان کا کہنا ہے کہ یونٹ میں گنے کے بجائے چینی، خراب گڑ اور مضر صحت رنگوں کی مدد سے گڑ تیار کیا جارہا تھا۔

ڈی جی فوڈ سیفٹی اتھارٹی کے مطابق مارکیٹ میں صاف اور محفوظ خوراک کی فراہمی یقینی بنا رہے ہیں، عوام بھی ملاوٹ مافیا کے خلاف شکایات ہمارے ٹال فری نمبر پر درج کرائیں۔