رنبیر کپور کی سابقہ گرل فرینڈ دیپیکا پڈوکون نے عالیہ اور رنبیر کی شادی کی خبروں پر ردعمل کا اظہار کیا ہے۔

اداکارہ نے ایان مکھرجی کی اس پوسٹ کو لائک کیا جس کے ذریعے ہدایت کار نے جوڑے کی شادی پر پکی مہر لگائی تھی۔

دیپیکا نے ایان کی ایک ہی پوسٹ یعنی ‘برہماسترا’ کے ‘کیسریا’ میوزک کو لائک کرکے دونوں کے لیے پیار بھیجا۔

خیال رہے کہ عالیہ اور رنبیر کی شادی آج جمعرات 14 اپریل کو ہے۔ رنبیر کی والدہ اداکارہ نیتو کپور نے اس بات کی تصدیق کی ہے۔

مہندی اور سنگیت کی تقریب کے روز ہدایت کار ایان مکھرجی نے ‘برہماسترا’ کے گانے ‘کیسریا تیرا عشق’ کا ٹیزر جاری کرکے مداحوں کو حیران کردیا تھا۔

یہ ویڈیو ایک طرح سے اس جوڑے کی شادی کا اعلان تھا۔ جس کے ذریعے ایان نے جوڑے کو شادی کی مبارکباد دی۔

ویڈیو میں عالیہ اور رنبیر کو وارانسی کی گلیوں میں کیسریا کی دھن پر رومانس کرتے دکھایا گیا ہے۔ جس پر بولی وڈ کے کئی ستاروں نے تبصرے کیے اور دونوں کو پیار بھیجا۔

اداکارہ دیپیکا پڈوکون کا نام بھی ان لوگوں کی فہرست میں شامل ہے جنہوں نے ایان مکھرجی کی پوسٹ کو لائک کیا۔

دیپیکا کو رنبیر عالیہ کا رومانوی ٹیزر بھی پسند آیا ہے۔ اگرچہ انہوں نے ابھی تک شادی کے بارے میں عوامی طور پر کوئی تبصرہ نہیں کیا ہے، لیکن لگتا ہے کہ انہوں نے پوسٹ لائک کرکے عالیہ رنبیر کے لیے اپنا پیار بھیج دیا ہے۔