دنیا کی پہلی اورمقبول ترین مائیکروبلاگنگ ویب سائٹ کے بانی جیک ڈورسی کا کہنا ہے کہ مرکزیت (سینٹرالائزیشن ) نے حقیقت میں انٹرنیٹ کوبہت نقصان پہنچایا ہے۔

جیک ڈوسری نے گزشتہ سال نومبرمیں ٹوئٹرکے لیے 16 سال خدمات سرانجام دینے کے بعد استعفی دے دیا تھا۔ اب وہ بلاک چین ٹیکنالوجی سے متعلق پراجیکٹس پرکام کر رہے ہیں۔

ڈورسی کے دورمیں ٹوئٹرنے ڈی سینٹرالائزیشن کی جانب متعدد اہم اقدامات کیے تھے، جس میں بلیواسکائے کی لانچنگ بھی شامل تھی۔ تاہم یہ ابھی تک صرف ارتقائی مراحل میں ہیں۔

ڈورسی کی اس ٹوئٹ نے انٹرنیٹ پرایک اورتنازع کھڑا کردیا ہے۔ ڈورسی اس وقت بلاک نامی ایک کمپنی کے چیف ایگزیکٹو ہیں۔

بلاک کا پرانا نام اسکوائر(مالیاتی لین دین کرنے والی امریکی کمپنی) تھا۔ ڈورسی نے ٹوئٹرسے رخصتی کے کچھ عرصے بعد ہی اس کا نام تبدیل کردیا تھا۔

جیک کا اپنی ٹوئٹ میں مزید کہنا تھا کہ اگرچہ کرپٹو میں دھوکہ دہی بہت زیادہ ہے اورلوگ جلدی ڈالربنانے کی کوشش کرتے ہیں، لیکن اس میدان میں کچھ ممتازٹیکنالوجیزبھی کارفرما ہے۔

ڈورسی کی ان حالیہ ٹوئٹس سے ظاہرہوتا ہے کہ وہ پرانے اورڈی سینٹرالائزڈ ویب کی طرف واپس آنا چاہتے ہیں۔