اگر آپ کے پاس ایک بہت بڑا ناپنے والا ٹیپ ہو جو زمین کے مرکز سے شروع ہو اور ہمارے سیارے کی بلند ترین چوٹی تک جائے، تو آپ ماؤنٹ ایورسٹ کو نہیں پائیں گے۔ بلکہ، سب سے اونچا پہاڑ دنیا کے دوسری طرف ایکواڈور کا چمبورازو پہاڑ ہوگا۔

اس معمالے میں چمبورازو کی جیت ہوتی ہے کیونکہ زمین درحقیقت اپنے پولز پر تھوڑی سی دبی ہوئی ہے، جیسے کوئی شخص گیند کو اوپر اور نیچے سے دبائے۔

مکمل طور پر گول ہونے کے بجائے، زمین “اولیٹ” ہے، یعنی اس کی شکل ایک قدرے چپٹی گیند کی طرح ہے۔

امریکی ریاست کیلیفورنیا کے پیساڈینا میں ناسا کی جیٹ پروپلشن لیبارٹری کے سیاروں کے سائنس دان جیمز ٹٹل کین  کہتے ہیں کہ درحقیقت، زیادہ تر سیارے اور چاند مکمل طور پر گول نہیں ہیں، وہ عام طور پر کسی نہ کسی طرح سے تھوڑے چپٹے ہیں۔”

اب سوال یہ ہے کہ زمین سمیت دوسرے سیارے اور چاند بالکل گول کیوں نہیں ہیں؟

کین نے لائیو سائنس کو بتایا کہ آبسٹیکل (رکاوٹ) ایک ایسی چیز ہے جسے سینٹرفیوجل فورس کہا جاتا ہے۔ یعنی کسی ایسی چیز کے ذریعے محسوس ہونے والی ظاہری قوت جو گھوم رہی ہے۔

ایک گھومتا ہوا سیارہ سینٹرفیوجل فورس کا تجربہ کرتا ہے۔ آپ اسے عملی طور پر بھی دیکھ سکتے ہیں۔

اگر آپ کرسی پر یا اپنے پیروں پر گھومتے ہیں، تو آپ کو اپنے مرکز سے ایک کھنچاؤ محسوس ہوگا۔ ہوسکتا ہے کہ آپ کے بازو یا ٹانگیں لہرانا شروع ہو جائیں۔

اگر آپ میری گو راؤنڈ پر بیٹھتے ہیں تو اس میں آپ پر تھوڑی سی اضافی طاقت کام کرتی ہے، اور اسی لیے آپ کو اپنی طرف کھنچاؤ محسوس ہوتا ہے۔

چونکہ سیارے اور چاند گھومتے ہیں، سینٹری فیوجل فورس انہیں اپنے خطِ استوا سے ابھارنے کا سبب بنتی ہے۔

اس کی اچھی مثالیں مشتری اور زحل ہیں۔ اگر آپ گیس جائنٹ میں سے کسی ایک کی تصویر دیکھیں تو آپ پائیں گے کہ وہ قدرے دب گئے ہیں اور ان کے درمیانی حصے تھوڑے ابھرے ہوئے ہیں۔

کین نے مزید کہا کہ ان سیاروں کی شکل زیادہ نمایاں ہے کیونکہ یہ نظام شمسی میں سب سے تیزی سے گھومنے والے سیارے ہیں۔ کوئی چیز جتنی تیزی سے گھومتی ہے، اتنی ہی زیادہ سینٹرفیوجل فورس اس پر کام کرتی ہے۔

ناسا ماہر کامزید کہنا تھا کہ کسی جسم پر کام کرنے والی سینٹرفیوجل فورس کی ایک زبردست مثال بونا سیارہ ہومیا ہے۔

یہ سیارہ کوئپر بیلٹ میں رہتا ہے، جو نیپچون کے مدار سے باہر برفیلی اشیاء کا خطہ ہے۔

 Haumea پلوٹو کے سائز کے برابر میں ہے، لیکن یہ اتنی تیزی سے گھوم رہا ہے (ہر چار گھنٹے میں ایک مکمل گردش) کہ یہ تقریباً انڈے کی شکل کا ہے۔