بالی ووڈ کی معروف جوڑی اداکارہ عالیہ بھٹ اور اداکار رنبیر کپور کی شادی آج ہوگی۔

بھارتی میڈیا رپورٹس کے مطابق گزشتہ روز ممبئی میں مہندی کی تقریب میں کرشمہ کپور، کرینہ کپور، ایان مکھر جی اور دیگر شوبز ستاروں نے شرکت کی تھی۔

عالیہ بھٹ اور رنبیر کپور کی شادی میں شرکت کے لیے رشتے دار اور مہمان رنبیر کپور کے گھر پہنچنا شروع ہوگئے ہیں

رنبیر اور عالیہ کی شادی: سنجے دت کا انوکھا مشورہ

بالی ووڈ کے منا بھائی ایم بی بی ایس سنجے دت نے حال ہی میں ایک انٹرویو دیتے ہوئے کہا کہ اگر رنبیر شادی کر رہا ہے تو میں اس کے لیے بے حد خوش ہوں۔

انہوں نے انٹرویو کے دوران رنبیر کپور کو جلد بچے پیدا کرنے کا مشورہ دیا اور خوشیوں بھری زندگی کی دعا بھی دی۔

ان کا کہنا تھا کہ عالیہ بھٹ میرے سامنے پیدا اور بڑی ہوئیں، شادی ایک وعدہ ہے جو دو لوگ آپس میں کرتے ہیں اور انہیں اس وعدے کو نبھانا ہوتا ہے۔