رانا شمیم توہین عدالت کیس میں اٹارنی جنرل کی عدم موجودگی کے باعث سماعت 26 اپریل تک ملتوی کر دی گئی۔ 

تفصیلات کے مطابق اسلام آباد ہائیکورٹ میں رانا شمیم کیخلاف توہین عدالت کیس کی سماعت ہوئی جس میں اٹارنی جنرل سپریم کورٹ مصروفیات کے باعث پیش نہ ہوئے۔

اٹارنی جنرل کی جگہ ڈپٹی اٹارنی جنرل قاسم ودود اسلام آباد ہائی کورٹ میں پیش ہوئے۔

عدالت نے دوران سماعت استفسار کیا کہ کیا آپ نے بیان حلفی جمع کروا دیا ہے؟

سابق چیف جج گلگت بلتستان  رانا شمیم نے کہا کہ آج بیان حلفی جمع کروا رہے ہیں۔

عالت نے ریمارکس دیے کہ آپ بیان حلفی کی کاپی ایڈیشنل اٹارنی جنرل کو بھی فراہم کریں جس کے بعد عدالت نے کیس کی سماعت 26 اپریل تک ملتوی کر دی۔

یہ خبر بھی پڑحیں

سابق چیف جج گلگت بلتستان رانا شمیم نے اسلام آباد ہائیکورٹ میں فرد جرم کے خلاف انٹرا کورٹ اپیل دائر کی۔

سابق چیف جج گلگت بلتستان نےدرخواست میں مؤقف پیش کیا کہ جنہوں نے بیان حلفی چھاپا انہیں چھوڑ کر صرف مجھ پر فرد جرم غیر قانونی ہے۔ فرد جرم عائد کرنے کا حکم نامہ کالعدم قرار دے کر کیس ختم کیا جائے۔

رانا شمیم نے درخواست میں انصارعباسی، میر شکیل الرحمان اور عامر غوری کو بھی فریق بنایا،

مذِد پڑھیں۔