مسلم لیگ ن کی ترجمان عظمی بخاری نے کہا ہے کہ پرویز الہی کو بہت جلدی ہے مگر ہم بھی تیار ہیں۔

پنجاب اسمبلی میں میڈیا سے گفتگو کرتے ہوئے مسلم لیگ ن کی ترجمان عظمی بخاری نے کہا ہے کہ آر ٹی ایس پر فیک آنے والی حکومت الیکشن کروا نہیں سکتی چوری کرسکتی ہے۔

عظمی بخاری نے کہا کہ کہا جارہا ہے عثمان بزدار نے اپنا استعفی گورنر کی بجائے وزیر اعظم کو دے دیا ہے، عثمان بزدار ماموں بن گئے ہیں۔

انہوں نے کہا کہ پورے لاء ڈیپارٹمنٹ کو نہیں پتہ تھا کہ استعفی کس کو دینا ہے، ایم پی ایز کو فون کیئے جارہے ہیں تھریٹ کیا جارہا ہے۔

عظمی بخاری نے کہا کہ کل پارلیمانی پارٹی کی سو فیصد حاضری تھی، اپوزیشن کی بھی اسی فیصد حاضری ایوان میں مکمل ہے۔

مسلم لیگ ن کی ترجمان نے کہا کہ تیس ممبران پی ٹی آئی کے آزاد جیت کر پی ٹی آئی میں شامل ہوئے تھے، ہماری حکومت نہیں بننے دی گئی عثمان بزدار کو وزیر اعلی بنانا تھا۔

انہوں نے مزید کہا کہ پرویز الہی اس الیکشن کے لیے چور دروازے استعمال کرنے کی کوشش کررہے ہیں، چور دروازے کے ذریعے ایجنڈا جاری کیا ہے آج ہی الیکشن کروانے جارہے ہیں۔