خاتون نے عالیہ بھٹ کی آواز میں پیزا آرڈر کر کے ریسٹورنٹ ملازم سمیت سوشل میڈیا صارفین کو حیران کر دیا۔

بھارتی میڈیا رپورٹ کے مطابق سوشل میڈیا پر اپنی دلچسپ ویڈیوز سے شہرت حاصل کرنے والی بھارتی مِمکری آرٹسٹ چندنی نے کال پر ریسٹورنٹ کے ملازم کو اتنی مہارت سے بے وقوف بنایا کہ سب حیران رہ گئے۔

چندنی نے فوٹو اینڈ ویڈیو شیئرنگ ایپ انسٹاگرام پر اپنی ایک نئی دلچسپ ویڈیو شیئر کی ہے جس کو دیکھ کر صارفین بھی حیران ہیں۔

اس ویڈیو کے کیپشن میں سوشل میڈیا صارفین کو چیلنج کرتے ہوئے لکھا گیا کہ’وہ عالیہ بھٹ کی آواز میں اپنی پسند کی جگہ سے پیزا آرڈر کریں‘۔

اس ویڈیو میں چندنی کو اداکارہ عالیہ بھٹ کی آواز میں کال پر  پیزا آرڈز کرتے ہوئے دیکھا جاسکتا ہے۔

چندنی نے کال کے دوران اداکارہ کی کھانے کےحوالے سے پسند اور ناپسند کا بھی خیال رکھا تاکہ کسی کو شک نا ہو، اور سچ میں ایسا ہی لگے کہ پیزا آرڈر کرنے کے لیے کال عالیہ بھٹ نے ہی کال کی ہے۔

چندنی نے کال پر بات کرتے ہوئے درمیان میں رکتی ہے اور پوچھتی ہے کہ’رنبیر آپ کونسا پیزا کھانا پسند کریں گے؟‘

جس پر پیزا آرڈر لینے والا بھی حیران ہو کر چندنی سے ان کا نام پوچھتا ہے جس پر وہ کہتی ہیں کہ میں عالیہ، عالیہ بھٹ۔

یاد رہے کہ اداکارہ عالیہ بھٹ ویگن ہیں اس لیے چندنی کال پر ویگن پیزا اور گلوٹین فری پیزا کے بارے میں بھی  پوچھتی ہے۔

چندنی کی اس ویڈیو کو سوشل میڈیا صارفین کی جانب سے بےحد پسند کیا جا رہا ہے اور صارفین چندنی کی صلاحیتوں پر انہیں داد دے رہے ہیں۔