چین نے شنگھائی میں کورونا کیسز کی بڑھتی ہوئی تعداد کے پیش نظر پورے شہر میں کورونا ویکسینیشن کرانے کی مہم کا آغاز کر دیا ہے۔

بین الاقوامی میڈیا کے مطابق اس مہم کے لئے چین نے فوج اور محکمہ صحت کے ہزاروں کارکنوں کی مدد لینے کا منصوبہ بنایا ہے۔

شنگھائی کی 26 ملین آبادی کو کورونا ٹیسٹ اور ویکسینیشن کرنے کی یہ مہم دنیا کے سب سے بڑی مہم ہے۔

چین کی مسلح افواج کے ترجمان اخبار کے مطابق پیپلز لبریشن آرمی کے ترجمان نے کہا ہے کہ گزشتہ روز شنگھائی کے لئے لاجسٹک سپورٹ فورسسز کو روانہ کر دیا گیا ہے۔

ترجمان نے کہا کہ گزشتہ روز چین کی افواج نے بری ، بحری اور فضائی دستے پر مشتمل دو ہزار طبی عملے کو شنگھائی روانہ کیا ہے۔

سرکاری میڈیا کے مطابق، جیانگ سو، ژی جیانگ اور دارالحکومت بیجنگ جیسے صوبوں سے 10 ہزار سے زیادہ صحت کی دیکھ بھال کرنے والے کارکن شنگھائی پہنچے ہیں.

شنگھائی کے ریلوے اسٹیشنز، ہوائی جہاز اور بذریعہ سٹرک طبی عملہ شنگھائی پہنچ رہا ہے.