بالی ووڈ کے ہیرو، ماڈل اور سوشل ورکر سونو سود نے بھارتی فلمی نگری میں کامیابی حاصل کرنے کے مختلف مراحل پر تفصیل سے بات کی ہے ۔

اپنے ایک حالیہ انٹرویو میں  سونو سود نے کہا کہ فلم انڈسٹری میں آگاہی کئی مرتبہ رد کیے جانے اور لمبے انتظار کے بعد حاصل ہوتی ہے۔

ان کا کہنا ہےکہ بالی وڈ میں کامیابی کے لیے پانی میں سانس کو کئی دیر تک روکنا پڑتا ہے، جب آپ اداکار بننے کے لیے ممبئی آتے ہیں تو آپ کو کامیاب ہونے کے ساتھ ساتھ ناکام ہونے کے لیے بھی تیار رہنا چاہیے۔

سونو سود نے کہا کہ بالی ووڈ میں انتظار کی کوئی حد نہیں اور یہ بہت تکلیف دہ مرحلہ ہوتا ہے، آپ کو چیلنجز کا سامنا کرنا چاہیے اور تحمل مزاجی سے اپنی باری کا انتظار کرنا چاہیے۔

ان کا کہنا ہےکہ مجھے کئی بار مسترد کیا گیا لیکن میں نے اپنی باری کا انتظار کیا اور خود کو ثابت قدم رکھا۔

انہوں نے کہا کہ فلم انڈسٹری میں کامیابی کا انحصار اس پر ہے کہ آپ پانی کے اندر کتنی دیر تک سانس روک سکتے ہیں، میں نے کئی سالوں اپنا سانس روکے رکھا۔

سونو سود نے اپنے کیرئیر سے متعلق بتاتے ہوئے کہاکہ اب وقت آگیا ہے کہ میں اوپر آؤں اور کہوں کہ میں زندہ ہوں۔