انگلش پریمئیر لیگ کے اہم میچ میں لیور پول کے ہاتھوں مانچسٹر یونائیٹڈ کا ٹاپ فور میں پہنچنے کا خواب چکنا چور ہو گیا۔

میزبان لیور پول نے اینفیلڈ اسٹیڈیم میں میزبان کو 0-4 سے شکست دے کر ٹاپ فور میں قدم رکھنے کا ارادہ ظاہر کر دیا ہے۔

اس اہم میچ میں مانچسٹر یونائیٹڈ اپنے اسٹار کھلاڑی کرسچیانو رونالڈو کی خدمات سے محروم تھی، کرسچیانو رونالڈو اپنے نومولود بیٹے کی وفات کی وجہ سے میچ سے دستبردار ہو گئے تھے۔

محمد صلاح کے دو دو اور ساڈیو مانے اور لوئس ڈیاز کے گول نے لیورپول کو مانچسٹر یونائیٹڈ کے خلاف اینفیلڈ میں 4-0 سے فتح دلائی۔

لیور پول کی جانب سے اسٹار کھلاڑی محمد صلاح نے دو گول اسکور کئے ، جبکہ لوئس ڈیاز اور ساڈیو مانے نے بھی مانچسٹر یونائیٹڈ کی کشتی میں سوراخ کرنے کے لئے اپنا حصہ ملایا۔

اس میچ میں کامیابی کے بعد لیور پول اب لیگ میں مانچسٹر یونائیٹڈ سے دو پوائنٹس آگے ہے۔

مانچسٹر یونائیٹڈ کے عبوری مینجر رنگینک نے کہا کہ یہ شکست شرمناک اور مایوس کن ہے اور شاید ذلت آمیز بھی ہے۔

عبوری مینجر نے کہا کہ لیور پول نے ابھی دکھایا کہ وہ کس قسم کی صلاحیت رکھتے ہیں۔ ہم اس کے لیے تیار نہیں ہیں۔ ہم اتنے اچھے نہیں ہیں کہ لیورپول کے خلاف کھیل میں پوائنٹس حاصل کر سکیں۔”

یہ پوچھے جانے پر کہ یونائیٹڈ لیورپول کے خلا کو کیسے ختم کر سکتا ہے، انہوں نے مزید کہا: “ہمیں یہ قبول کرنا ہوگا کہ وہ اب ہم سے چھ سال آگے ہیں۔