معروف بھارتی اداکارہ عالیہ بھٹ نے اپنی مہندی کی خوبصورت تصاویر سوشل میڈیا پر مداحوں کے ساتھ شئیر کر دیں۔

حال ہی میں مشہور لیجنڈری اداکار رشی کپور کے بیٹے رنبیر کپور سے شادی کرنے والی اداکارہ عالیہ بھٹ نے اپنی رسمِ حنا کی خوبصورت تصاویر شئیر کر دیں۔

عالیہ بھٹ نے فوٹو اینڈ ویڈیو شئیرنگ ایپ انسٹاگرام پر اپنی مہندی کی دلکش تصاویر پوسٹ کی ہیں جن میں عالیہ اور رنبیر کے ساتھ ساتھ ان کے دوست اور اہلِ خانہ موجود ہیں۔

ان تصاویر میں سب کو خوب ڈانس اور موج مستی کرتے ہوئے دیکھا جا سکتا ہے۔

عالیہ بھٹ کی جانب سے شیئر کی گئی ایک تصویر میں اُن کے دولہا میاں اپنے مرحوم والد، رشی کپور کی تصویر اٹھائے ہوئے ہیں تو ایک میں رنبیر کپور والدہ نیتو کپور کے ساتھ ڈانس کر رہے ہیں۔

عالیہ بھٹ نے یہ خوبصورت تصویریں شیئر کرتے ہوئے اپنے جذبات کا بھی اظہار کیا ہے۔

عالیہ بھٹ نے اِن تصویروں کے کیپشن میں لکھا کہ ’مہندی کا دن  کسی خواب کی طرح تھا، یہ پیار بھرا دن تھا، خاندان، خوبصورت اور بہترین دوست، ڈھیر سارے فرنچ فرائز،  لڑکے والوں کی طرف سے کیا گیا سرپرائز ڈانس اور حیرت انگیز پرفارمنسز، ڈی جے آیان کے زیر اہتمام تقریب اور میرے پسندیدہ گانوں کی دھنیں ایک بڑا سرپرائز تھا، اِن سب لمحوں کو جینے کے بعد میری آنکھوں میں خوشی کے آنسو ہیں اور میری زندگی  محبت اور سکون کے ساتھ بھری ہوئی ہے۔