صدف کنول کے مہنگے جوڑے کی حمایت کرنے پر سوشل میڈیا صارفین نے نادیہ حسین کو تنقید کا نشانہ بنا دیا۔

ماڈل، اداکارہ نادیہ حسین کو ماڈل صدف کنول کے کلاتھنگ برانڈ کی بھاری قیمت کی حمایت کرنا مہنگا پڑ گیا، نادیہ حسین نے حال ہی میں صدف کنول کی حمایت کرتے ہوئے ان لوگوں کو کرارا جواب دیا تھا جنہوں نے صدف کنول کے کلاتھنگ برانڈ کی قیمتوں پر تنقید کی تھی۔

تاہم اس پر سوشل میڈیا صارفین نے نادیہ حسین کا سوشل میڈیا پر ٹرول کرنا شروع کر دیا۔

نادیہ حسین نے ایک اسکرین شاٹ شیئر کرتے ہوئے صدف کنول کی حمایت میں پوسٹ کی تھی۔

نادیہ کی جانب سے شئیر کردہ اسکرین شاٹ میں دیکھا جا سکتا ہے کہ صدف کنول کے برانڈ نے ایک صارف کو ایک جوڑے کی قیمت 30 ہزار روپے بتائی تھی۔

ایک جوڑے کی قیمت 30 ہزار روپے رکھنے پر لوگوں نے صدف کنول فیشن لائن نامی برانڈ کو تنقید کا نشانہ بنایا جس پر نادیہ حسین نے ان کی حمایت کرتے ہوئے لکھا کہ نادیہ حسین نے اپنی انسٹاگرام اسٹوری میں لکھا کہ صدف کنول کا اپنا کاروبار ہے، وہ اپنی مرضی سے سے کپڑوں کی قیمت کا تعین کر سکتی ہیں۔

اداکارہ نے مزید کہا کہ اگر کسی کو ان کے کپڑے پسند نہیں تو کوئی بات نہیں، لیکن وہ صدف کنول کو ہدایات نہیں دے سکتے۔

نادیہ حسین کا کہنا تھا کہ اگر کسی کو صدف کنول کے کپڑے مہنگے لگ رہے ہیں تو وہ بھلے ان کے کپڑوں کو نہ خریدیں مگر انہیں تنقید کا نشانہ بنانا بند کیا جائے۔

تاہم نادیہ کے اس پوسٹ پر ردِعمل کرتے ہوئے سوشل میڈیا صارفین نے نادیہ حسین کو خوب تنقید کا نشانہ بنایا۔

 صارفین نے نادیہ حسین کے خلاف سخت الفاظ استعمال کرتے ہوئے نادیہ کی باتوں کو غیر ضروری قرار دیا، اور انہیں خاموش رہنے کی ہدایت بھی کی۔

کچھ مداحوں نے لکھا کہ نادیہ حسین نے کچھ دن قبل ماڈلز کے لیے بات کرتے ہوئے طبقاتی نظام کی بات کی تھی اور اب وہ صدف کنول کے مہنگے جوڑے کی حمایت کر رہی ہیں، اس خاتون کے عجب طور و طریقے ہیں۔

Advertisement

کچھ مداحوں نے لکھا کہ نادیہ حسین نے کچھ دن قبل ماڈلز کے لیے بات کرتے ہوئے طبقاتی نظام کی بات کی تھی اور اب وہ صدف کنول کے مہنگے جوڑے کی حمایت کر رہی ہیں، اس خاتون کے عجب طور و طریقے ہیں۔

کچھ صارفین نے نادیہ کو آنٹی جبکہ کسی نے انہیں صدف کنول کی چمچی بھی قرار دیا۔