روس کی معروف آن لائن فوڈ ڈیلیوری سروس یانڈیکس فوڈ کے بڑے پیمانے پر لیک ہونے والے ڈیٹا نے روس کی خفیہ پولیس سے وابستہ افراد کے ڈیلیوری ایڈریس، فون نمبرز، نام اور ترسیل کی ہدایات کا راز فاش کردیا ہے۔

Yandex Food ایک بڑی روسی انٹرنیٹ کمپنی Yandex کی ایک ذیلی کمپنی ہے، جس نے پہلی بار یکم مارچ کو ڈیٹا لیک ہونے کی اطلاع دی، کمپنی نے اس کارروائی کا الزام اپنے ایک ملازم پر لگایا اور دعویٰ کیا کہ اس لیک میں صارفین کی لاگ اِن معلومات شامل نہیں ہیں۔

روسی کمیونیکیشن ریگولیٹر Roskomnadzor نے اس کے بعد کمپنی کو ڈیٹا لیک ہونے پر ایک لاکھ روبلز(تقریباً1166 امریکی ڈالرز) تک جرمانے کی دھمکی دی ہے۔

ڈیٹا بریچ کے بارے میں رائٹرز کا کہنا ہے کہ تقریباً 58,000 صارفین کی معلومات کو بے نقاب کیا گیا ہے۔

Roskomnadzor نے عام شہریوں سمیت روسی فوج اور سیکورٹی سروسز سے تعلق رکھنے والوں کی معلومات کو چھپانے کی کوشش میں ڈیٹا پر مشتمل ایک آن لائن میپ تک رسائی کو بھی روک دیا ہے۔

آن لائن انویسٹی گیشن ادارے بیلنگ کیٹ نے ان اعداد و شمار کا استعمال ایک ایسے شخص کی شناخت کے لیے کیا جس کا تعلق  پیوٹن مخالف الیکسی نوالنی کو دئیے گئے زہر سے ہے۔

بیلنگ کیٹ کے محققین نے معلومات کے ذخیرے تک رسائی حاصل کی اور اس کے ذریعے دلچسپی رکھنے والے افراد، جیسے کہ روسی اپوزیشن لیڈر الیکسی نوالنی کو زہر دینے کے واقعے سے منسلک ایک فرد کے بارے میں معلومات حاصل کی۔

پچھلی تحقیقات کے حصے کے طور پر جمع کیے گئے فون نمبرز کے ڈیٹا بیس کو تلاش کرکے، بیلنگ کیٹ نے اس شخص کے نام کا پردہ فاش کیا جو روس کی فیڈرل سیکیورٹی سروس (FSB)  سے نووالنی کو زہر دینے کی منصوبہ بندی کے لیے رابطے میں تھا۔

بیلنگ کیٹ کا کہنا ہے کہ اس شخص نے اپنے کام کا ای میل ایڈریس بھی Yandex Food کے ساتھ رجسٹر کرنے کے لیے استعمال کیا، جس سے محققین کو اس کی شناخت کا مزید پتہ لگانے کا موقع ملا۔

محققین نے روس کے مین انٹیلی جنس ڈائریکٹوریٹ (GRU) یا ملک کی غیر ملکی ملٹری انٹیلی جنس ایجنسی سے تعلق رکھنے والے افراد کے فون نمبرز کی لیک ہونے والی معلومات کا بھی جائزہ لیا۔

انہیں ان ایجنٹس میں سے ایک یوگینی کا نام ملا، اور وہ اسے روس کی وزارت خارجہ سے منسلک کرنے اور اس کی گاڑی کی رجسٹریشن کی معلومات حاصل کرنے میں کامیاب رہے۔

بیلنگ کیٹ نے مخصوص پتوں کے لیے بھی ڈیٹا بیس تلاش کرکے کچھ قیمتی معلومات کا انکشاف کیا۔

جب محققین نے ماسکو میں GRU ہیڈکوارٹر تلاش کیا، تو انہیں صرف چار نتائج ملے، یہ ایک ممکنہ علامت تھی کہ کارکن صرف ڈیلیوری ایپ کا استعمال نہیں کرتے، یا اس کے بجائے پیدل فاصلے کے اندر ریستوراں سے آرڈر کرنے کا انتخاب کرتے ہیں۔

جب بیلنگ کیٹ نے ماسکو کے مضافاتی علاقے میں ایف ایس بی کے خصوصی آپریشن سینٹر کی تلاش کی، تو اس کے 20 نتائج برآمد ہوئے۔

کئی نتائج میں ڈلیوری کی دلچسپ ہدایات تھیں، جو ڈرائیوروں کو متنبہ کرتی تھیں کہ ڈیلیوری کا مقام دراصل ایک فوجی اڈہ ہے۔

ایک صارف نے اپنے ڈرائیور سے کہا “بلیو بوتھ کے قریب تین بوم بیریئرز پر جائیں اور کال کریں۔

جب کہ دوسرے نے کہا، “بند علاقہ۔ چوکی تک جائیں۔ پہنچنے سے دس منٹ پہلے نمبر پر کال کریں!

ایک ترجمہ شدہ ٹویٹ میں، روسی سیاست دان اور نوالنی کے حامی، لیوبوف سوبول نے کہا کہ افشاں ہونے والی معلومات سے روسی صدر ولادی میر پیوٹن کی مبینہ “خفیہ” بیٹی اور سابق محبوبہ کے بارے میں اضافی معلومات بھی حاصل ہوئیں۔

سوبول نے کہا، “لیک ہونے والے Yandex ڈیٹا بیس کی بدولت، پیوٹن کی سابق محبوبہ سویتلانا کریوونوگیخ کا ایک اور اپارٹمنٹ مل گیا۔”

سوبول نے کہا کہ “یہ وہ جگہ ہے جہاں ان کی بیٹی لوئیزا روزووا نے اپنے کھانے کا آرڈر دیا۔ اپارٹمنٹ 400 میٹر اسکوئر پر مشتمل ہے، جس کی مالیت تقریباً 170 ملین روبل ہے! “

اگر محققین فوڈ ڈیلیوری ایپ کے ڈیٹا کی بنیاد پر اتنی زیادہ معلومات کو منظر عام پر لانے میں کامیاب ہو گئے، تو Uber Eats، DoorDash، Grubhub  اور دیگر کے پاس صارفین پر موجود معلومات کی مقدار کے بارے میں سوچنا قدرے پریشان کن ہے۔

2019 میں،DoorDash ڈیٹا کی خلاف ورزی نے 4.9 ملین لوگوں کے نام، ای میل ایڈریس، فون نمبرز، ڈیلیوری آرڈر کی تفصیلات، ڈیلیوری ایڈریسز اور ہیشڈ، پاس ورڈز کو بے نقاب کیا۔

یہ Yandex Food لیک میں متاثر ہونے والوں سے بڑی تعداد ہے۔