اداکارہ سنی لیونی کی شادی کو 11 سال ہوگئے، اداکارہ شادی کی سالگرہ کے موقع پر ماضی کی تلخ یادوں میں گھو گئیں۔

بھارتی میڈیا رپورٹ کے مطابق سنی لیونی نے ہفتے کے روز اپنی شادی کی 11ویں سالگرہ منائی اور ساتھ ہی ڈینیل ویبر سے اپنی شادی کے ابتدائی دنوں کو یاد کرتے ہوئے شادی کی ایک یادگار تصویر شئیر کی ہے۔

سنی لیونی نے اپنے آفیشل انسٹاگرام اکاؤنٹ پر اپنی شادی کی سالگرہ کے موقع پر ایک یادگار تصویر شیئر کی اور بتایا کہ اس وقت ہمارے پاس پیسے نہیں تھے، اور کس طرح ہم نے شادی کے استقبالیے پر پیسوں کی ادائیگی کی تھی۔

اداکارہ نے اپنی پوسٹ میں اپنی شادی کی تقریب میں ہوئی غلطیوں کی نشاندہی بھی کی ساتھ ہی اپنے شوہر کو بھی اس پوسٹ میں ٹیگ کیا۔

تصویر میں سنی لیونی اور اُن کے شوہر نے شادی کا لباس زیب تن کررکھا ہے، اداکارہ نے سرخ لہنگا اور زیورات پہن رکھے ہیں جبکہ دونوں گوردوارے کے اندر ہاتھ جوڑے بیٹھے ہیں۔

تصویر کے ساتھ ماضی کو یاد کرتے ہوئے سنی نے کیپشن میں لکھا کہ آج شادی کے 11 سال ہوگئے، یہ ایسا وقت ہے جب ہمارے پاس پیسے نہیں تھے، 50 سے کم مہمان تھے، استقبالیے کے اخراجات تحفے میں ملے لفافے کھول کر ادا کیے گئے۔

انہوں نے مزید کہا کہ یہ اس بات کی یاد دہانی ہے کہ ہم کس طرح اکٹھے ہوئے، یہ سفر محبتوں کے بغیر ممکن نہیں تھا جو ہمارے درمیان ہے۔

سنی لیونی نے یہ بھی کہا کہ مجھے اپنی شادی کی کہانی بہت پسند ہے، یہ ہمارا راستہ ہے، یہ سفر ہم نے ساتھ گزارا ہے، سالگرہ مبارک ہو، بے بی۔

سنی کی اس پوسٹ پر مداحوں کی جانب سے کمنٹس کا سلسلہ جاری ہے ایک مداح نے کہا کہ آپ دونوں کو نہیں معلوم کہ آپ کتنے خوبصورت دل والے انسان ہیں۔

جبکہ کئی مداحوں نے انہیں خوبصورت جوڑی قرار دیا۔

انسٹاگرام پر ایک صارف نے کہا ’ہر لمحے سے لطف اندوز ہوں، تو دوسرے نے کہا کہ سنی کو مبارک باد، آگے کی زندگی مزید دلکش ہو، ہمیں آپ سے اور آپ کے کام سے پیار ہے۔