احسن اقبال نے کہا ہے کہ عمران نیازی نے رائے شماری کروانے کے بجائے ایوان کو یرغمال بنایا ہوا ہے۔

مسلم لیگ ن کے رہنما احسن اقبال نے ٹوئٹر پر جاری ایک پیغام میں کہا ہے کہ 9 گھنٹے سے اوپر ہو چکے ہیں، اسپیکر اور عمران نیازی نے تحریک عدم اعتماد پر رائے شماری کروانے کے بجائے کمال ڈھٹائی سے پورے ایوان اور قوم کو یرغمال بنایا ہوا ہے۔

انہوں نے کہا کہ گنتی کروانے کی ہمت نہیں ہو رہی ہے، دنیا میں ملک کا تماشہ بنایا ہوا ہے مگر ایک اناپرست کی جھوٹی انا اور ضد آئین پہ بھاری ہے۔

احسن اقبال نے کہا ہے کہ جس طرح پی ٹی آئی ٹولہ قومی اسمبلی کا اجلاس چلا رہا ہے اس طرح تو یونین کونسل بھی نہیں چلائی جاتی ہے، شرمناک بھی ان کے لئے معتبر لفظ لگتا ہے۔

Advertisement

جس طرح PTI ٹولہ قومی اسمبلی کا اجلاس چلا رہا ہے اس طرح تو یونین کونسل بھی نہیں چلائی جاتی ہے- شرمناک بھی ان کے لئے معتبر لفظ لگتا ہے-

— Ahsan Iqbal (@betterpakistan) April 9, 2022