عیدالفطر کے موقع پر تعلیمی اداروں میں بھی تعطیلات کا اعلان کردیا گیا ہے۔

صدرآل پاکستان پرائیویٹ اسکولز فیڈریشن کاشف مرزا کے مطابق ملک بھر کے پرائیویٹ اسکولز میں 30 اپریل تا 5 مئی تک عید الفطرکی چھٹیوں کا اعلان کر دیا  گیا ہے۔

آل پاکستان پرائیویٹ اسکولز فیڈریشن کےنوٹیفکیشن کے مطابق ملک بھر پرائیویٹ اسکولز میں 30 اپریل تا 5 مئی تک عید الفطرکی چھٹیاں ہوں گی۔

اسکولز دوبارہ 6مئی بروز جمعہ سے باقاعدہ کلاسز کیلیے آغاز کریں گے۔

دوسری جانب بلوچستان میں بھی ونیورسٹی آف بلوچستان کی جانب سے عید کی چھٹیوں کا اعلان کرتے ہوئے نوٹیفکیشن جاری کردیا گیا ہے۔

نوٹیفکیشن کے مطابق بلوچستان یونیورسٹی 2 مئی سے 6 مئی تک بند رہے گی۔

خیال رہے کہ وفاقی حکومت کی جانب سے رواں سال عید کی 4 چھٹیاں دی گئی ہیں جس کا باقاعدہ اعلان بھی کردیا گیا ہے۔

وفاقی حکومت کی جانب سے ملازمین کو عیدالفطر پر 2 مئی بروز پیر سے 5 مئی تک 4 چھٹیاں دی گئیں ہیں۔