وزیراعظم آزاد جموں وکشمیر سردار عبد القیوم نیازی نے کہا ہے کہ  رمضان میں شہریوں کو سہولیات فراہم کرنا حکومت کی ذمے داری ہے۔

عبد القیوم نیازی نے آزاد کشمیر کے مختلف علاقوں میں آٹے کی قلت کا نوٹس لیتے ہوئے  چیف سیکرٹری اور سیکرٹری خوراک کو آٹے کی دستیابی یقینی بنانے کیلئے فوری اقدامات کی ہدایت کردی ہے۔

عبد القیوم نیازی نے کہا کہ ماہ رمضان میں شہریوں کو سہولیات فراہم کرنا حکومت کی ذمہ داری ہے، رمضان پیکج اور روزہ مرہ کی اشیاء خوردونوش کی قیمتوں پر چیک اینڈ بیلنس یقینی بنایا جائے۔

 وزیراعظم آزاد جموں وکشمیرنے کہا کہ حکومت نے تاریخی رمضان پیکج دیا ، یہ ریلیف عوام تک پہنچنا چاہیے اور وافر مقدار میں آٹے کی فراہمی یقینی بنائی جائے۔

انہوں نے کہا کہ  اب جہاں آٹے کی قلت ہو گی ، اس کا ذمےدار وہاں تعینات افسر ہوگا اور ذمے داران کے خلاف سخت کارروائی عمل میں لائی جائے گی۔