فیاض الحسن چوہان نے کہا ہے کہ فرح خان وزیراعظم اور وزیراعلیٰ بننے کی اہل ہو گئی ہیں۔

فرح خان کے خلاف نیب ریفرینس دائر کرنے پر فیاض الحسن چوہان کا دلچسپ ردعمل سامنے آگیا ہے۔

فیاض الحسن چوہان نے کہا کہ فرح خان کو مبارک باد دیتا ہوں، اب فرح خان وزیراعظم اور وزیراعلی بننے کی اہل ہو گئی ہیں۔

واضح رہے کہ اس سے قبل قومی احتساب بیورو (نیب) کی جانب سے فرح خان کیخلاف انکوائری شروع کرنے کا فیصلہ کرلیا ہے۔

نیب نے فرح خان کے خلاف انکوائری کا فیصلہ کرتے ہوئے انکوائری کی منظوری دے دی گئی ہے۔

فرح خان کے کیس کے متعلق ڈی جی نیب لاہور کو قانون کے مطابق انکوائری کرنے کی ہدایات جاری کی گئیں ہیں۔

نیب سابق خاتون اول بشریٰ بی بی کی دوست فرح گوگی کیخلاف آمدن سے زاہد اثاثہ جات کی انکوائری کرے گا۔

نیب کے اعلامیے کے مطابق فرح خان نے 9 بار امریکا اور 6 بار متحدہ عرب امارات کا سفر کیا۔

میڈیا رپورٹس میں فرح خان پر غیر قانونی ذرائع سے اثاثے بنانے کا الزام عائد کیا گیا تھا۔

فرح خان کے اثاثوں میں سال 2018ء کے بعد سے نمایاں اضافہ ہوا، کچھ رقوم فرح خان کے ذاتی اکاوٴنٹ میں موصول ہوئیں اورجلد واپس لے لی گئیں۔