راجہ اظہر نے کہا ہے کہ ہم اپنے قائد عمران خان کے ساتھ کھڑے ہیں۔

پی ٹی آئی سندھ کے نائب صدر و رکن سندھ اسمبلی راجہ اظہر نے کہا ہے کہ عمران خان نے اس ملک کے سازشی عناصر کو عوام کے سامنے ایکسپوز کیا۔

انہوں نے کہا کہ کچھ ماہ قبل سندھ اسمبلی میں میرے ایک ساتھی نے ایک نظم پڑھی تھی، انہوں نے کہا تھا آؤ سب ملکر کھاتے ہیں، مجھے اس وقت اس نظم کی سمجھ نہیں آئی تھی، لیکن اب مجھے اس نظم کی سمجھ آگئی کہ آؤ ہم سب ملکر کھاتے ہیں۔

راجہ اظہر نے کہا کہ جو اس ملک کا سودہ کرے گا تو ہم کھائیں گے نہیں عبرت کا نشانہ بنائیں گے، سندھ دہرتی اور شہداء کا سودا کرنے والوں کو لٹکائیں گے، عمران خان ہر وقت اپنی قوم کا سوچتے ہیں۔

پی ٹی آئی سندھ کے نائب صدر و رکن سندھ اسمبلی نے کہا کہ عمران خان نے اس ملک کو للکارہ ہے جو صرف سودے کرتا ہے، ہم ہر وقت اپنے قائد عمران خان کے ساتھ کھڑے ہیں۔

دوسری جانب میڈیا سے گفتگو کرتے ہوئے حلیم عادل شیخ نے کہا کہ ملک کے غدار پارٹیوں کی شکل میں سامنے آئے ہیں، خط کے آنے کے بعد اپوزیشن کی پھرتیاں دیکھی ہیں۔

حلیم عادل شیخ نے کہا کہ ہم نے ضمیر کے خریداروں کو ضمیر خریدتے دیکھا، ہم نے نوٹ پر ضمیر بکتے ہوئے دیکھا۔

انہوں نے کہا کہ ہم غلام قوم نہیں ہیں، خواجہ آصف کہتا ہے آمریکا پیسہ نہیں دیگا تو کھانا کیسے کھائیں، انہیں عزت غیرت کی کوئی فکر نہیں ہے۔

اپوزیشن لیڈر سندھ اسمبلی نے کہا کہ کاروان وفا آج مزار قائد سے نکل چکا ہے، یہ قوم کا مسئلہ ہے یہ باغیرت اور باعزت قوم ہے۔

انہوں نے مزید کہا کہ عمران خان کا گناہ ہے ابسلیوٹلی ناٹ کہنا، یہ اگر جرم ہے تو ہم وزیراعظم کو سلام پیش کرتے ہیں۔