بھارت کے مختلف حصے اس وقت شدید ترین گرمی کا سامنا کر رہے ہیں۔ دارالحکومت دہلی اور شمال مغربی انڈیا کے بہت سے علاقوں میں درجہ حرارت 45 ڈگری سینٹی گریڈ سے بھی تجاوزکرچکا ہے۔

تاہم شہریوں نے موسم کی شدت میں کمی کے لیے شاہ رُخ خان سے درخواست کرنا شروع کردی ہے۔

ایک ٹوئٹرصارف نے شاہ رخ خان کی سپرہٹ فلم’ کبھی خوشی کبھی غم‘ کے سپر ہٹ گانے ’ سورج ہوا مدھم‘ کا حوالہ دیتے ہوئے کہا کہ ’ ’ڈیئرشاہ رُخ خان برائے مہربانی سورج کومدھم کروادو۔‘

Dear @iamsrk
sooraj ko madham karwardo please

Advertisement

— Srishti Pandey (@srishtayyyy) April 28, 2022

ایک دوسرے صارف نے کنگ خان کو ٹوئٹ کرتے ہوئے لکھا کہ ’ چاند جلنے لگا‘ جب کہ تیسرے صارف نے لکھا کہ’ اور آسمان بھی پگھل جائے گا‘

اس ٹوئٹ کے ریپلائی میں ایک نیا سلسلہ شروع ہوگیا جس میں صارفین دلچسپ تبصرے  کر رہے ہیں۔ ایک صارف کا کہنا ہے کہ ’ سورج کو ہمیں قتل کرنے کا کنٹریکٹ مل گیا ہے‘

واضح رہے کہ بھارت میں اس وقت شدید ترین گرمی کی لہر جاری ہے۔ بھارتی محکمئہ موسمیات کے مطابق درجہ حرات میں مزید اضافہ متوقع ہے اوردہلی میں ٹیمپریچر 46 ڈگری تک پہنچ سکتا ہے۔

ہیٹ ویو سے متاثرہ علاقوں میں مغربی راجھستان، پنجاب، ہریانہ، مغربی اترپردیش، مدھیہ پردیش اور جھاڑ کنڈ سخت گرمی کی لپیٹ میں ہیں۔