ماہ رمضان میں سول ایوی ایشن اتھارٹی کی جانب سے مقرر کئے جانے والے دفتری اوقات  کار جاری کردیئے گئے ہیں۔

اس حوالے سے سی اے اے کی جانب سے نوٹیفکیشن بھی جاری کردیاگیا ہے جس کے مطابق ہفتہ اتوار تعطیل ہوگی۔

نوٹیفکیشن میں بتایا گیا ہے کہ رمضان المبارک کے دوران پیر تا جمعرات دفتری اوقات صبح 10 سے شام 4 بجے تک ہونگے جبکہ جمعے کے روز دفتری اوقات صبح 10 سے دوپہر ایک بجے تک ہونگے۔

خیال رہے کہ اس سے قبل پاکستان سی ای او پی آئی اے ایئر مارشل ارشد ملک کی منظوری کے بعد رمضان کے دفتری اوقات کا نوٹیفکیشن جاری کیا گیا تھا۔

پی آئی اے نوٹیفکیشن میں کہا گیا کہ رمضان المبارک مبارک کے دوران پیر تا ہفتہ دفتری اوقات صبح 10 سے شام 4 بجے تک ہوں گے۔

پی آئی اے نوٹیفکیشن کے مطابق پیر تا جمعرات نماز ظہر ادائیگی کے لئے دوپہر ایک سے 1:30 بجے تک وقفہ ہوگا، جمعہ کے نماز جمعہ ادائیگی کے لئے دوپہر ایک سے 2 بجے ایک گھنٹہ کا وقفہ ہوگا جبکہ ہفتہ اتوار تعطیل ہوگی۔