مشہور پاکستانی اداکار عثمان خالد بٹ نے ایک شو کے دوران بتایا ہے کہ وہ اپنے لئے کس طرح کی لڑکی کی تلاش میں ہیں۔

حال ہی میں شوبز پاکستان کے مشہور اداکار عثمان خالد بٹ نے ساتھی اداکارہ مایا علی کے ساتھ ندا یاسر کے شو میں شرکت کی جہاں انہوں نے شوبز سے ہٹ کر اپنی نجی زندگی کے بارے میں بھی بات کی۔

اس دوران عثمان خالد بٹ سے شو کی میزبان ندا یاسر نے سوال کیا کہ لوگ جاننا چاہتے ہیں کہ آپ کو شادی کے لیے کس قسم کی لڑکی کی تلاش ہے، اپنے لیے اگر آپ شادی کا اشتہار لکھیں گے تو ہو کیسا ہو گا؟

اس کا جواب دیتے ہوئے 36 سالہ عثمان خالد کا ہنسی مذاق کرتے ہوئے بتانا تھا کہ ’ کیوں کہ وہ شدید ترسے ہوئے لڑکے ہیں اور شادی کی خواہش رکھتے ہیں اس لیے اُنہیں عمر کا کوئی ایشو نہیں ہے لڑکی 30 سال سے زیادہ کی بھی ہو تو انہیں کوئی مسئلہ نہیں ہے۔‘

عثمان خالد بٹ نے مایا علی اور ندا یاسر کو ہنساتے ہوئے کہا کہ ’بس آپ سب کو بتا دیں کہ لڑکی کا رشتہ چاہیے، اُن کی زیادہ ڈیمانڈز نہیں ہیں۔‘

تاہم عثمان خالد نے بتایا کہ ’ شادی کے لیے اُنہیں ایسی لڑکی کی تلاش ہے جس سے اُن کی ذہنیت بہت ملتی ہو اور لڑکی کا ’شُغلی‘ (حس مزاح کی تیز اور مزاحیہ) ہونا بے حد ضروری ہے، پڑھی لکھی ہو اور سلیقہ شعار بھی ہو۔‘

عثمان خالد بٹ نے کہا کہ ’ آخر میں سب ختم ہو جاتا ہے اور بات چیت رہ جاتی ہے اس لیے لڑکی شُغلی اور ہنسانا جانتی ہو۔‘