جہاں ایک طرف شوبز شخصیات شہباز شریف کو وزیر اعظم بننے پر مبارکباد دے رہی ہیں، وہیں کچھ اداکار ناراض بھی نظر آرہے ہیں۔

پاکستان شوبز انڈسٹری کی نامور خوبرو اداکارہ ارمینا خان نے گزشتہ روز سماجی رابطے کی ویب سائٹ ٹوئٹر پر مختصر ٹوئٹ کرتے ہوئے لکھا ’’آپ میرے وزیراعظم نہیں ہیں‘‘۔

You are NOT my prime minister. #notinmyname

— Armeena ✨ (@ArmeenaRK) April 11, 2022

واضح رہےکہ قومی اسمبلی نے گزشتہ روز مسلم لیگ (ن) کے صدر شہباز شریف کو نیا قائد ایوان منتخب کیا جہاں انہیں 174 ووٹ ملے۔

شہباز شریف کی ٹوئٹربائیو میں حلف اٹھانے کے بعد ’ پرائم آف منسٹر آف اسلامک ری پبلک آف پاکستان ‘لکھ دیا گیا ہے۔

دوسری جانب پی ٹی آئی نے اپنی حکومت کے خاتمے اور آنے والی حکومت کی تشکیل کے خلاف بدھ (13 اپریل) سے ملک گیر احتجاجی مہم شروع کرنے کا بھی فیصلہ کیا ہے۔