وزیراعظم اعظم شہباز شریف نے وفاقی کابینہ کا اجلاس کل طلب کرلیا ہے۔

تفصیلات کے مطابق نئی حکومت کے تحت اور نئی کابینہ کی تشکیل کے بعد وزیراعظم شہباز شریف کی زیر صدارت پہلا کابینہ کا اجلاس کل بلایا گیا ہے۔

وزیراعظم کی زیرصدارت اجلاس کل صبح 10 بجے ہوگا جو کہ وزیراعظم سیکرٹریٹ میں منعقد ہوگا۔

پہلے اجلاس میں وزیراعظم وزراء کو پالیسی گائیڈ لائن دینگے۔

خیال رہے کہ آج ایوان صدر میں 34 رکنی کابینہ کے حلف اٹھایا جس میں 31 وفاقی وزراء شامل تھے ۔

ایوان صدر میں قائم مقام صدر صادق سنجرانی نے کابینہ ارکان سے حلف لیا ہے جس میں حلف اٹھانے والوں میں 31 وفاقی وزرا، تین وزرائے مملکت اور تین مشیر شامل ہیں۔

  صدرمملکت عارف علوی نے وفاقی کابینہ سے حلف لینے سے انکار کردیا تھا جس کے بعد آج صبح 11 بجے چیئرمین سینیٹ صادق سنجرانی نے کابینہ اراکین سے حلف لیا۔