وزیراعظم شہباز شریف 13 رکنی وفد کے ہمراہ سعودی عرب کے 3 روزہ سرکاری دورے پر ہیں، ان کے دورے کو پہلے ہی سوشل میڈیا پر تنقید کا نشانہ بنایا جارہا ہے۔

اس دورے پر جانے والے افراد کے حوالے سے پاکستان تحریک انصاف نے سوشل میڈیا پر ایک طوفان کھڑا کر دیا ہے۔ ان افراد کی جانب سے دعویٰ کیا گیا کہ اس دورے کے لیے پی آئی اے کا ایک جہاز بُک کیا گیا ہے، تاہم یہ خبر بعد میں غلط ثابت ہوئی اور حکومت نے اس کی پر زور تردید کی۔

حکومتی ترجمان کا کہنا تھا کہ شریف فیملی کے افراد اپنے اخراجات خود برداشت کریں گے۔ جبکہ پی ٹی آئی کا دعویٰ ہے کہ شریف فیملی نے اقتدار میں آنے کے فوراﹰ بعد ہی قومی خزانے کو لوٹنا شروع کر دیا  ہے اور ’’پورے کے پورے ٹبر‘‘کو سعودی عرب لے جایا جا رہا ہے۔

#امپورٹڈ_حکومت_نامنظور #MarchAgainstImportedGovt
Must watch!!!
بھکاریوں کی عزت افزائی شروع ہو چکی ہے۔۔۔ pic.twitter.com/K0pAGGnaZW

Advertisement

— Maham (@Maham__PTI) April 28, 2022

پی ٹی آئی کا دعویٰ ہے کہ اس دورے میں نہ صرف شریف فیملی کے افراد جا رہے ہیں بلکہ حکومت کے اتحادیوں میں سے بھی کئی لوگ جا رہے ہیں اور اس کا مقصد صرف اور صرف سرکاری پیسے کا ضیاع ہے۔

اب ایسے میں سوشل میڈیا پر ایک ویڈیو وائرل ہورہی ہے جس میں لوگوں کو مسجدِ نبوی میں حکومتی وفد کے خلاف  چور چور کے نعرے لگاتے دیکھا جاسکتا ہے۔

ویڈیو میں وفاقی وزیر اطلاعات مریم اورنگزیب اور شاہ زین بگٹی کو لوگوں کو نظر انداز کرتے ہوئے جاتے دیکھا جاسکتا ہے، جبکہ ان کے اردگرد سیکیورٹی عملہ موجود ہے۔

لیکن حیران کن طور پر کسی اہلکار نے لوگوں کو نعرے بازی سے نہیں روکا۔

Crowd chanting ‘choor, choor’at the government delegation(including information minister, Maryam Aurangzaib) visiting Majid e Nabwi pic.twitter.com/A4LFMNbvEW

— Siasat.pk (@siasatpk) April 28, 2022

خیال رہے کہ گورنر مدینہ فیصل بن سلمان آل سعود نے اعلیٰ سعودی حکام کے ہمراہ وزیر اعظم کا استقبال کیا۔

وزیراعظم شہباز شریف کے ہمراہ ایم کیو ایم کے خالد مقبول صدیقی، وفاقی وزرا  بلاول بھٹو زرداری،  شاہ زین بگٹی، چوہدری سالک حسین،خواجہ آصف، مفتاح اسماعیل، مریم اورنگزیب،  خواجہ آصف اور  ایم این اے محسن داوڑ  شامل ہیں، وفد میں وزیراعظم شہباز شریف کے پرسنل اسٹاف کے 4 لوگ بھی شامل ہیں۔

وزیر اعظم شہباز شریف اس دورے میں روضہ رسول ﷺ پر حاضری دیں گے اور عمرہ کی سعادت حاصل کریں گے، دورے کے دوران وزیراعظم سعودی قیادت کے ساتھ ملاقاتوں میں اقتصادی، تجارتی اور سرمایہ کاری جیسے تعلقات کو فروغ دینے کے علاوہ سعودی عرب میں پاکستانی افرادی قوت کے لیے روزگار کے زیادہ سے زیادہ مواقع پیدا کرنے کے حوالے سے بات چیت کریں گے۔