پنجاب اسمبلی میں اپوزیشن کے اراکین کی جانب سے کی جانی والی توڑ پھوڑ کے نتیجے میں  تقریباً 20 ارکان کی رکنیت معطل کرنے کا امکان ہے۔

 اس حوالے سے ذرائع کا کہنا ہے کہ پنجاب اسمبلی میں 03 اپریل کو ہونے والی ہنگامہ آرائی کے نتیجے میں اپوزیشن کی جانب سے ہال میں توڑ پھوڑ کی گئی تھی۔

اس صورتحال کی جانچ پرتال کے لئے صوبائی حکومت نے ایک کمیٹی تشکیل دی تھی جس نے ابتدائی رپورٹ تیار کی ہے جو کہ متوقع طور پر آج پیش کی جائیگی۔

اس رپورٹ کے نتیجے میں اپوزیشن کے 15 سے 20 ارکان کی رکنیت معطل ہونے کے امکانات ہیں۔

 حسن مرتضی، شازیہ عابد، رانا مشہوداحمد، سیف کھوکھر، ملک احمد خان، عنیزہ فاطمہ، عظمی بخاری ، طاہر خلیل سندھو، شازیہ عابد، راحیلہ خادم حسین، حنا پرویز بٹ اور سلمان رفیق سمیت دیگرارکان شامل ہیں۔

خیال رہے کہ 03 اپریل کو پنجاب اسمبلی میں نئے وزیراعلیٰ کے انتخاب نہ ہونے پر اپوزیشن اراکین کی جانب سے ہنگامہ آرائی کی گئی تھی جس کے نتیجے میں ہال میں موجود حکومتی پراپرٹی متاثر ہوئی تھی۔