دعا زہرہ کے بعد کراچی سے ایک اور 14 سالہ لڑکی کی گمشدگی کی کا واقعہ سامنے آیا ہے ۔

کراچی میں سعود آباد ایس ون ایریا سے لاپتہ ہونے والی چودہ سالہ میٹرک کی طالبہ نمرہ کی خبر نشر ہونے کے بعد پولیس متحرک ہوگئی ہے۔

پولیس حکام کا کہنا ہے کہ سعودآباد کے علاقے ایس اون ایریا کی رہائشی 14 سالہ میٹرک کی طالبہ نمرہ تاحال لاپتہ ہے ۔

پولیس حکام کے مطابق لاپتہ نمرہ کی تلاش جدید اور تکنیکی بنیادوں پر جاری ہے اور جلد ہی نمرہ کو بازیاب کروالیا جائے گا ۔

نمرہ کا موبائل فون اسکے لاپتہ ہونے کے بارہ گھنٹے بعد تک بھی آن رہا تھا جبکہ نمرہ کی پبجی گیم کے ذریعے ملتان کے رہائشی شاہ رخ اور علی سے دوستی تھی اور رابطہ بھی تھا۔

  اس حوالے سے اہل خانہ کا کہنا ہے کہ 20 اپریل کو نمرہ کی والدہ کسی  کام کے سلسلے میں گھر سے باہر گئی تھی جب نمرہ گھر میں اکیلی تھی واپس آئی تو ان  کی بیٹی موجود نہیں تھی۔

اہل خانہ کے مطابق مقدمہ بھی درج کروادیا تھا مگر پانچ  دن ہوگئے بچی کا پتہ نہیں چل سکا ہے۔

خیال رہے کہ کراچی میں  گولڈن ٹاون کی 14 سالہ  دعا اور سعود آباد کی نمرہ کے لاپتہ ہونے سے والدین تشویش کا شکار ہیں۔

سوشل میڈیا پر لڑکیوں کی گمشدگی سے متعلق مختلف طرح کی باتیں کی جارہی ہیں جبکہ دونوں لڑکیاں کم و بیش ہم عمر ہی ہیں۔

دوسری جانب جوان لڑکیوں کے والدین بیٹیوں کی گمشدگی کے باعث ازیت کا شکار ہورہے ہیں۔