صوبہ پنجاب میں ہونے والے مبینہ پولیس مقابلہ میں 5 ڈاکو ہلاک ہوگئے ہیں۔

تفصیلات کے مطابق پولیس مقابلہ احمد پور شرقیہ کے تھانہ نوشہرہ جدید کی حدود میں پیش آیا، جس کے نتیجے میں 5 ڈاکو ہلاک اور  اسلحہ برآمد کرلیا گیا ہے۔

پولیس حکام نے بتایا کہ ہلاک ڈاکوؤں کی شناخت صدیق عرف ڈھول، کریم بخش عرف بلا،  رفیق کھوکھر، بشیر عرف جنگلی ، اور سعید عرف شیدا کے نام سے ہوئی ہے۔

پولیس نے کہا کہ ہلاک ہونے والے ڈاکوؤں نے چند روز قبل لودھراں میں  قیدی لے جانے والی پولیس پارٹی پر حملہ کیا تھا۔

  پولیس نے بتایا کہ ہلاک ڈاکو  پولیس ملازمین کو زخمی کر کے ساتھی قیدی پولیس حراست سے لے کر سرکاری اسلحہ چھین کر فرار ہوگئے تھے۔

پولیس حکام نے مزید بتایا کہ ہلاک ڈاکو رحیم یار خان، لودھراں، بہاول پور کے متعدد تھانہ جات کو سنگین مقدمات میں مطلوب تھے۔