بالی وُڈ کی معروف جوڑی رنبیر کپور اور عالیہ بھٹ کی شادی کی تصاویر سوشل میڈیا پر وائرل۔

کترینہ کیف اور وکی کوشال کے بعد بولی وڈ کی سب سے زیادہ زیر بحث رہنے والی رنبیر کپور اور عالیہ بھٹ کی شادی بالآخر اپنے تمام کو پہنچی، عالیہ اور رنبیر کی شادی کی تصاویر بھی سوشل میڈیا پر وائرل ہو رہی ہیں۔

بھارتی میڈیا رپورٹ کے مطابق دونوں اداکار کی آپس میں شادی روایتی پنجابی انداز میں ہوئی جہاں انہوں نے اپنے اہلخانہ اور قریبی دوست احباب کے سامنے پھیرے لیے۔

عالیہ بھٹ نے اپنے آفیشل انسٹاگرام اکاؤنٹ پر اپنی شادی کی خوبصورت تصاویر اب سے کچھ دیر قبل ہی شئیر کی ہیں جوکہ سوشل میڈیا کی زینت بنی ہوئی ہیں۔

ان تصاویر میں دیکھا جا سکتا ہے کہ اس شادی کی تھیم گولڈ اور وائٹ رکھی گئی تھی اور تقریباً تمام مہمانوں نے ان ہی رنگوں کے زیب تن کیے۔

ساتھ ہی دولہا اور دُلہن یعنی عالیہ اور رنبیر نے بھی سفید اور سنہرے رنگ کے عروسی لباس کا انتخاب کیا ہے۔

رنبیر اور عالیہ کی شادی کے یہ خوبصورت لباس بھارتی معروف ڈیزائنر سبیاساچی کی جانب سے تیار کئے گئے ہیں۔

یاد رہے کہ شادی میں کرشمہ کپور، کرینہ کپور سیف علی خان سمیت بالی وُڈ کی معروف شخصیات نے شرکت کی۔