آسکر ایوارڈ یافتہ ہالی وُڈ اداکار وِل اسمتھ بھارت پہنچ گئے، تصاویر سوشل میڈیا پر وائرل۔
غیر ملکی میڈیا رپورٹ کے مطابق ہالی وُڈ کے کامیڈین اداکار ول اسمتھ کی پڑوسی ملک بھارت سے تصاویر وائرل ہونے کے بعد ان کے بھارت جانے کی وجوہات سامنے آگئی ہیں۔

اطلاعات کے مطابق کامیڈین اداکار وِل اسمتھ بھارت روحانی سکون کے حصول کے لیے گئے ہیں۔
غیر ملکی میڈیا کا کہنا ہے کہ ول اسمتھ نے روحانی مقاصد جیسے یوگا اور مراقبے کی مشق کرنے کے لیے بھارت کا رُخ کیا ہے۔

اُن کا کہنا تھا کہا کہ’میں نے اکیڈمی کے اعتماد کو ٹھیس پہنچائی ہے‘۔

ول اسمتھ نے کہا کہ’میں ان لوگوں پر توجہ مرکوز کرنا چاہتا ہوں جو اپنی کامیابیوں پر توجہ کے حقدار ہیں اور اکیڈمی کو اس ناقابل یقین کام پر واپس جانے کی اجازت دینا چاہتے ہیں جوکہ وہ فلم میں تخلیقی صلاحیتوں اور فنکارانہ صلاحیتوں کو سپورٹ کرنے کے لیے کرتی ہے‘۔
انہوں نے مزید کہا، ’تبدیلی میں وقت لگتا ہے، اور میں اس بات کو یقینی بنانے کے لیے کام کرنے کے لیے پرعزم ہوں کہ میں دوبارہ کبھی تشدد کے بڑھنے کی وجہ نہ بنوں‘۔

واضح رہے کہ پڑوسی ملک بھارت سے وِل اسمتھ کی تصاویر منظرِ عام پر آئیں تھیں جس کے بعد یہ بات ثابت ہوئی ہے کہ انہوں نے ذہنی سکون اور یوگا جیسی مشقوں کے لئے بھارت کا دورہ کیا ہے۔